"Qazaqstan halqyna" bir kúndik jalaqyny aýdarýdy toqtatý kerek - Oljas Qudaıbergenov

3989
Adyrna.kz Telegram

Qazaqstan halqyna" qoǵamdyq qorynyń qamqorshylyq keńesiniń múshesi, qazaqstandyq ekonomıst Oljas Qudaıbergenov qorǵa bir kúndik jalaqyny aýdarý úrdisine qatysty pikir bildirdi. Ol óziniń Facebook-paraqshasynda bul tájirıbeni toqtatý kerek ekenin aıtty,  dep habarlaıdy "Adyrna" ulttyq portaly.

Ekonomıst halyq "Qazaqstan halqyna" qoryna aqsha aýdarmaı, kerisinshe alý kerek ekenin aıtty.

- Memlekettik qyzmetshiler nemese jeke kompanııalar bir kúndik jalaqysyn aýdaratyn úrdis baıqalady (qorǵa - esk.). Bul qor múlde bul maqsatqa arnalmaǵan. (...) Qor bir kezderi salyqtan jaltaryp, aqshasyn shetelge shyǵaryp, endi azamattyq sanasyn kórsetýge daıyndar úshin. Sondaı-aq, baı adamdar men zańdy kirisi bar kompanııalar da aýdara alady. Múmkin basqa da tabys kózderi tabylar. Az aqsha aýdarǵysy kelse, tipti qarapaıym adamdar da jasaı alatyny anyq. Biraq bir kúndik jalaqyny aýdarý úrdisin toqtatý kerek, - dep bólisti Oljas Qudaıbregenov.

Esterińizge sala keteıik, 11 qańtarda Májiliste sóılegen sózinde Prezıdent Qasym-Jomart Toqaev "Qazaqstan halqyna" qoǵamdyq áleýmettik qoryn qurýdy tapsyrǵan bolatyn. 16 qańtarda "Qazaqstan halqyna" qorynyń Qamqorshylyq keńesi saılandy.

"Adyrna" ulttyq portaly

Pikirler