الماتىدا ناۋرىز مەيرامىن مەرەكەلەۋ بارىسىندا 25 توننا باۋىرساق، 25 توننا ناۋرىز كوجە جانە 5 توننا پالاۋ دايىندالادى. "استانا" الاڭى، پانفيلوۆ جانە جىبەك جولى كوشەلەرىندە، اتلەتتەر اۋىلىندا، Almaty Arena الدىنداعى الاڭدا جانە بارلىق اۋدانداردا ءداستۇرلى اس مازىرىنەن ءدام تاتۋعا بولادى، دەپ حابارلايدى الماتى اكىمدىگىنىڭ ءباسپاسوز قىزمەتى.
الماتى بازارلارى دا “ناۋرىز-2018” مەيرامىن كەڭىنەن اتاپ وتەدى. قالانىڭ 46 بازارى 20 ناۋرىزدان 21 ساۋىرگە دەيىنگى ءبىر ايعا جۋىق ارالىقتا ۇلتتىق مەرەكەنى تويلايدى. وسى كەزەڭ ىشىندە قالا تۇرعىندارى مەن قوناقتارىنا تەگىن ناۋرىز كوج، پالاۋ مەن باۋىرساق بەرىلەدى. بۇلاردان وزگە، ۇلتتىق سپورت سايىستارى مەن مەرەكەلىك كورسەتىلىمدەر ۇيىمداستىرىلادى.
“نارۋىز مەيرامىن 46 بازار ءوز الاڭدارىندا 2 رەت – 22 ناۋرىز بەن اي ىشىندەگى ءبىر كۇندە ۇيىمداستىرادى. بازارلاردىڭ بارلىعى 8 توننا ناۋرىز-كوجە، 25 مىڭ توننا پالاۋ، 12 توننا باۋرىساق دايىندايدى”، – دەدى الماتى قالاسىنىڭ كاسىپكەرلىك جانە يندۋستريالدى-يننوۆاتسيا دامۋ باسقارماسى.
بۇلاردان وزگە، مەرەكەلىك قۇتتىقتاۋعا قالانىڭ بارلىق مەيرامحانالارى دا قاتىسادى. قوعامدىق تاماقتانۋ ورىندارىنىڭ بارلىعىندا ناۋرىز مەيرامى ارنايى اس ءمازىرى جاسالىپ، ول ءبىر اي بويىنا جۇرەتىن بولادى.
ەسكە سالساق، قالا تۇرعىندارى مەن قوناقتارى ءۇشىن ۇلتتىق اس تاعامدارىن ازىرلەۋ بويىنشا تاقىرىپتىق فەستيۆالدەر ۇيىمداستىرىلادى.
baribar.kz
