"قازاقستان بيلىگى سوڭعى ءبىر جارىم اپتا ىشىندەگى جاپپاي نارازىلىقتان اقپارات تاراتقان نەمەسە وعان قاتىسقان جۋرناليستەر مەن بەلسەندىلەردى بوساتۋى ءتيىس، نارازىلىقپەن بايلانىستى بارلىق ۇستاۋلار تۋرالى اقپاراتتى جاريالاپ، بارلىق ۇستالعانداردىڭ قۇقىقتارىن بۇزباۋى كەرەك". حالىقارالىق Amnesty International ادام قۇقىعىن قورعاۋ ۇيىمىنىڭ سايتىندا جاريالانعان مالىمدەمەدە وسىلاي دەپ ايتىلعان دەپ حابارلايدى "ادىرنا" ۇلتتىق پورتالى "اzattyq.org" سايتىنا سىلتەمە جاساپ.
قۇقىق قورعاۋ ۇيىمى سونىمەن بىرگە نۇر-سۇلتاندى ادام قۇقىعىنىڭ بۇزىلعانى جونىندە حابارلامالاردىڭ بارلىعىن (بنارازىلارعا قارۋ قولدانۋ دا بار) جان-جاقتى تەكسەرىپ، ادام قۇقىعىن قۇرمەتتەۋگە شاقىردى.
"قازاقستاندا جاعداي ءسال تىنىشتالعانمەن داعدارىس ءالى اياقتالعان جوق. قازىر تاۋەلسىز اقپاراتقا ەركىن قول جەتكىزۋ، ادام قۇقىعىن بۇزعانداردى جاۋاپقا تارتۋ، بيلىكتىڭ ادام قۇقىعىن قۇرمەتتەۋ مىندەتىن موينىنا الۋىنان اسقان ماڭىزدى نارسە جوق" — دەدى Amnesty International ۇيىمىنىڭ شىعىس ەۋروپا جانە ورتالىق ازيا بويىنشا ديرەكتورى ماري سترازەرس.
نارازىلىق پەن تارتىپسىزدىكتىڭ سالدارىنان قانشا ادامنىڭ قازا بولعانىن قازاقستان بيلىگى ءالى كۇنگە دەيىن جاريالاعان جوق. ەلدە ءىز-ءتۇزسىز جوعالعان نەمەسە ۇستالعان، سوققىعا جىعىلعان بەلسەندىلەر مەن تۇرعىندار كوپ. بۇعان دەيىن 164 ادامنىڭ قازا بولعانى ايتىلعانمەن كەيىن جوققا شىعارىلعان
"بيلىكتىڭ تارتىپسىزدىك قۇرباندارى مەن ولاردىڭ قانداي جاعدايدا قازا بولعانى جونىندە ءلام-ميم دەمەۋى اشىندىرادى. بيلىك قانشا بەيبىت تۇرعىننىڭ قازا بولعانى تۋرالى اقپاراتتى دەرەۋ جاريالاۋى ءتيىس" — دەدى ماري سترازەرس.
"ادىرنا" ۇلتتىق پورتالى
