ۇكىمەت قاۋلىسىمەن الەكساندر دانيلوۆ قازاقستان رەسپۋبليكاسىنىڭ اقپارات جانە قوعامدىق دامۋ ۆيتسە-ءمينيسترى قىزمەتىنە تاعايىندالدى دەپ حابارلايدى "ادىرنا" ۇلتتىق پورتالى قر پرەمەر-ءمينيسترىنىڭ ءباسپاسوز قىزمەتىنە سىلتەمە جاساپ.
الەكساندر دانيلوۆ 1991 جىلى 16 جەلتوقساندا قاراعاندى قالاسىندا تۋعان. قاراعاندى مەملەكەتتىك تەحنيكالىق ۋنيۆەرسيتەتىن جانە ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىن بىتىرگەن.
قر پرەزيدەنتى جانىنداعى ۇلتتىق قوعامدىق سەنىم كەڭەسىنىڭ مۇشەسى. پرەزيدەنتتىك جاستار كادر رەزەرۆىنىڭ مۇشەسى. ەڭبەك جولىن قوعامدىق سەكتوردا باستاعان، ءار جىلدارى بىرقاتار جاستار قوعامدىق ۇيىمىنىڭ باسشىسى بولعان. سونداي-اق جەكە ۇيىمداردا باسشىلىق قىزمەتتەردى اتقاردى. 2020 جىلدىڭ شىلدە ايىنان باستاپ Stopfake.kz جوباسىنىڭ جەتەكشىسى بولدى.
ايتا كەتۋ كەرەك، سونداي-اق بۇگىن بۇرىنعى ەنەرگەتيكا ءمينيسترى ماعزۇم مىرزاعاليەۆ قر پرەزيدەنتى قاسىم-جومارت توقاەۆتىڭ كەڭەسشىسى قىزمەتىنە تاعايىندالسا، بەيبىت يساباەۆ قازاقستان رەسپۋبليكاسى پارلامەنتى سەناتىنىڭ دەپۋتاتى بولدى.
"ادىرنا" ۇلتتىق پورتالى
