"Integrity Astana" kommersiialyq emes ūiymynyŋ jetekşısı Janat Nūrǧaliev öz mındetın atqara almai otyrǧan, lauazymyn bosatuy tiıs üş äkımdı atady. Olar — Şyǧys Qazaqstan oblysynyŋ äkımı Danial Ahmetov, Jambyl oblysynyŋ äkımı Berdıbek Saparbaev jäne Nūr-Sūltan qalasynyŋ äkımı Altai Kölgınov dep habarlaidy "Adyrna" ūlttyq portaly "ulysmedia.kz" saityna sılteme jasap.
"Mäselen, Danial Ahmetov aimaqty damytuǧa eşqandai köŋıl bölgen emes. Öŋırdegı azamattyq qoǧamdy damytuǧa mümkındık bolmai jatyr. "Qaşan Ahmetov ketedı?" dep jūrt eleŋdep kütıp otyr. Jemqorlyq kün saiyn dendep barady", – degen ol zeinet jasyndaǧy basşylar oryndaryn bosatuy tiıs ekendıgın, erık-jıgerı bar jastarǧa barynşa jol aşu kerektıgın alǧa tartty.Onyŋ aituynşa, zeinet jasyndaǧy Berdıbek Saparbaev ta aimaqqa köŋıl bölmeitınderdıŋ bırı. Jalpy, Jambyl oblysy ǧana emes elımızdıŋ barlyq öŋırınde memlekettık satyp alu boiynşa köptegen kemşılıkter bar. Täuelsız zertteuşı äleumettık salany qarjylandyruda tepe-teŋdıktıŋ saqtalmauyna qatysty jemqorlyq qaupı bar bırneşe keisterdı anyqtaǧan.
"Mysaly, Nūr-sūltan äkımdıgı at sporty keşenın jeke qūrylys saluşydan satyp alu üşın biudjetten 6 milliard 243 million teŋge bölıp otyr. Biyl densaulyq saqtau salasyndaǧy qūrlystarǧa mülde qarjy qarastyrylmaǧan, tūrǧyn üi-kommunaldyq şaruaşylyǧy siiaqty paida köruge bolatyn salalarǧa basymdyq berılgen. Al aşyqtyǧy körınıp tūratyn bılım, densaulyq saqtau salasy nazardan şet qalǧan. Sondyqtan jemqorlyq qaupı baiqalady. Kölgınov arnaiy toptyŋ qyzyǧuşylyǧy üşın ǧana jūmys ısteidı, qoǧamdyq pıkırge qūlaq asqan emes. Qoǧamdyq oryndarda ülken qūrlystardyŋ jürıp jatqanyna özımız kuämız. Joǧaryda aitqanymdai būrynnan ıstep kele jatqan jasy ülken zeinetkerlerge demalys kerek", – dep tüiındedı ol.Al ekonomist Aidar Älıbaevtıŋ reitingı boiynşa öŋır basşylarynyŋ arasynda eşqaisysy oblysty damyta almai otyr. Ol onyŋ bırden bır sebebı retınde äkımderdıŋ halyq müddesınen görı, jeke biznes qyzyǧuşylyǧy üşın jūmys ısteuge beiıldı ekenın atady.
"Bır de bır äkım özınıŋ oblysyn damyta alyp otyrǧan joq. Tūrǧyndar üşın ekonomikalyq ahualdy jaqsartuǧa müddelı emes. Jalpy alǧanda äkımder öz qyzyǧuşylyqtary üşın ǧana jūmys ıstep keledı, özderın jarnamalaidy. Bizneste otyrǧan tuǧan-tuystary üşın tüsınıksız baǧdarlamalardy şyǧarady", – deidı sarapşy.Sondai-aq, onyŋ aituynşa jappai ereuılden soŋǧy Ükımettegı auys-tüiıs halyqqa taŋdau jasau qūqyǧyn berudı közdeitın maŋyzdy betbūrys dep aituǧa erte. Al keşegı jaǧdaidan soŋ bilıktıŋ qazırgı mındetı – eldegı jaǧdaidy qalai da qalpyna keltıru. Sondyqtan olar kez-kelgen uäde beruge daiyn. Al Almatyny belgısız arandatuşylar qiratyp, örtke orap jatqan kezde qala basşysy retınde bır auyz ün qatpai joǧalyp ketıp, artynan tabylǧan Baqytjan Saǧyntaev ta reitingı tömen äkımderdıŋ qatarynda.
"Almaty äkımı bolsa almatylyqtardy äbden tyǧyryqqa tırep boldy. Bos oryn körınse boldy 9 qabatty üi salady. Ömır süru mümkın bolmai barady. Är oblys boiynşa osyndai mysaldardy köptep keltıre beruge bolady. Bos jerı köp Qostanai, Pavlodar, soltüstık öŋırlerdıŋ äkımderı de däl osylai tuǧan-tuystarynyŋ biznesın damytuǧa jūmys ıstep otyr. Sondyqtan halyq müddesı üşın jūmys ıstep otyr dep bır äkımdı de aita almaimyn. Qazırgı premer-ministrdıŋ ornyna kelgen Älihan Smailovtyŋ da Maminnen ozyp tūrǧan eşteŋesı joq. Al halyqqa oblys äkımderın özderı sailau degen mümkındıktı äzırge bermeidı, bälkım alda bolatyn şyǧar. Olar üşın mūnyŋ saldary öte jaman. Eger qandai da bır jaqsy äkım kelse Prezidentke basqaru qiynǧa tüspei me, oǧan mūnyŋ ne keregı bar", – dedı sarapşy.
