Shymkent qalasynda 4-5 qańtar kúnderi jappaı buzaqylyq jáne lańkestik oqıǵalar oryn aldy. Shamamen 5 myńnan astam adam qala ákimdiginiń ǵımaratyna shabýyl jasady. Memlekettik qyzmetshilerge polıııa qyzmetkerleri men áskerılerge qarsy kúsh qoldanyp, jábirleýdiń kóptegen faktileri oryn aldy. Jalpy, 50-den astam áskerıler men quqyq qorǵaý qyzmetkerleri ártúrli dárejede jaraqat alǵan.
Sodyrlar «Túrkistan» saltanat saraıyna, Kórme ortalyǵyna, J.Shanın atyndaǵy akademııalyq drama teatryna, «Nur Otan» partııasynyń keńsesine jáne ózge de ǵımarattarǵa shabýyl jasap, ártúrli deńgeıde zııan keltirilgen. Jappaı tártipsizdik kezinde 59 avtokólik pen 3 avtobýs qıratylyp, keıbiri órtep jiberilgen. Antıterrorlyq operaııa barysynda 400-ge jýyq kúdikti azamat ustalyp, olardyń 150-ine qatysty ákimshilik is qozǵalǵan. Al, lańkestik topty uıymdastyrýshylar retinde kúdikke ilingen 50 azamatqa qatysty qylmystyq is qozǵalyp, sotqa deıingi tergeý jumystary júrgizilýde.
Búginde Shymkentte konstıtýııalyq zańdylyq qalpyna keltirilip, jaǵdaı turaqtandyryldy. Qala ákimi Murat Áıtenovtyń jetekshiligimen quramyna barlyq quqyq qorǵaý jáne memlekettik organdardyń basshylary engen jedel shtab jumys istep jatyr. Atalǵan shtabtyń der kezinde qabyldaǵan sheshimderiniń arqasynda Shymkentte lańkesterdiń strategııalyq nysandardyń eshqaısysyn basyp alýyna jol berilmedi.
Lańkestik is-áreketterden eń qatty zaqymdanǵan nysandardyń biri – Shymkenttegi ákimshilik-iskerlik ortalyqta ornalasqan Kórme ortalyǵy. Ǵımarat tolyǵymen otqa oranǵan. Jappaı tártipsizdik toqtatylyp, jaǵdaı turaqtanǵan soń óner ujymdary Kórme ortalyǵyn kúl-qoqystan tazartyp jatyr. Tazalaý jumystary «Túrkistan» saltanat saraıy men J.Shanın atyndaǵy akademııalyq drama teatrynda da júrgizilip jatyr.
Qala ákiminiń tapsyrmasymen quralǵan arnaıy komıssııa mádenıet nysandaryna keltirilgen shyǵynnyń kólemin anyqtap, Úkimettiń qaraýyna usynady.
Sodyrlar strategııalyq mańyzy bar memlekettik nysandar jáne mádenıet mekmelerimen qatar, kásipkerlik nysandaryna da shabýyl jasaǵan. Alyn ala esepteýler boıynsha, 10 bıznes sýbektisine zalal keltirilgen. Olardyń arasynda saýda, keńseler, azyq-túlik nysandary men lombardtar bar. Buzaqylar kásipkerlik nysandaryn qıratyp, taýarlar men bankomattardy tonaǵan, jıhaz ben arnaıy quraldardy búldirgen, keıbirin órtep jibergen.
Bul nysandar negizinen lańkestik áreketter oryn alǵan «Nursát» shaǵyn aýdanynda jáne D.Qonaev dańǵyly men A.Baıtursynuly, U.Arǵynbekov kósheleriniń boıynda ornalasqan.
Shymkent qalasynyń ákimi barlyq zardap shekken nysandardy aralap, jaǵdaımen tanysyp shyqty. Shahar basshysynyń tapsyrmasyna sáıkes, qala ákimdigi men «Atameken» ulttyq kásipkerler palatasynyń birlesken komıssııasy qurylýda. Atalǵan komıssııa bıznes sýbektilerge keltirilgen materıaldyq shyǵyn kólemin anyqtaıdy. Memleket kásipkerlerdiń barlyq shyǵyndaryn ótep, búlingen nysandardy qalpyna keltirýge kómektesedi.
Shymkent qalasynyń bıznes qaýymdastyǵy lańkester men buzaqylardyń áreketterin qatań aıyptaıdy. Kásipkerler zańdylyqty, qoǵamdyq tártip pen turaqtylyqty saqtaýǵa shaqyrý maqsatynda «Birlik úshin» atty chellendj uıymdastyrýda. Sondaı-aq, bıznes qaýymdastyq ókilderi quqyq qorǵaý organdaryna kómektesý maqsatynda qurylǵan «Halyq saqshylary» atty eriktiler jasaqtarynyń quramyna qosylyp, olarǵa jan-jaqty qoldaý kórsetýde.
