Ekonomıst Andreı Chebotarev Qazaqstanda suıytylǵan gazdyń nelikten qymbattaıtynyn túsindirdi, dep habarlaıdy "Adyrna" ulttyq portaly qarjy sarapshysynyń avtorlyq kanalyna silteme jasap.
- Benzınge uqsas jaǵdaı – naryqty uzaq ýaqyt boıy ustap turdy. 2022 jyldyń 1 qańtarynan bastap suıyltylǵan munaı gazy saýdasynyń 100%-y taýarlyq bırja arqyly ótedi, - deıdi sarapshy.
QR Energetıka mınıstrliginiń málimetinshe, elektrondyq saýda-sattyq arqyly gaz ótkizý naryqtyń barlyq qatysýshylary úshin teń dárejede júrgizilýde jáne gazdyń qajetti kólemin tikeleı óndirýshilerden satyp alýǵa múmkindik beredi.
- Bırjalyq saýda-sattyq jaǵdaıynda gazdyń bir lıtrin 60 teńgege qaıtarýdy talap etý óte qyzyq (shyndyǵynda aqylǵa qonymsyz). Naryqtyq ekonomıkada bul múmkin emes, árıne, - dedi Andreı Chebotarev.
Budan buryn Mańǵystaý oblysynyń ákimdigi suıytylǵan gaz baǵasynyń qymbattaýy týraly pikir bildirdi jáne jıi qoıylatyn suraqtarǵa jaýap berdi.
«Baıdıldınov. Neft» avtorlyq baǵdarlamasynyń júrgizýshisi Oljas Baıdildınov te osy máselege qatysty pikir bildirdi.
- Suıytylǵan gazdyń baǵasy baıaǵyda ósýi kerek edi. Bul da basqa taýarlar sııaqty naryqtyq taýar. Onyń negizgi jabdyqtary, materıaldar, shyǵyn materıaldary – ımporttalady nemese halyqaralyq baǵalarǵa tikeleı baılanysty bolady. Mysaly, metall Qazaqstanda óndiriledi, biraq tolyǵymen álemdik baǵalarǵa táýeldi, - dedi sarapshy.
Al, QR Energetıka mınıstrliginiń málimetinshe, 2019 jyly QR «Gaz jáne gazben jabdyqtaý týraly» Zańyna sáıkes suıytylǵan munaı gazyn elektrondyq saýda alańdary arqyly satýǵa kóshken.
"Adyrna" ulttyq portaly
