گازدىڭ ءبىر ءليترىن 60 تەڭگەگە قايتارۋدى تالاپ ەتۋ وتە قىزىق - اندرەي چەبوتارەۆ

1732
Adyrna.kz Telegram

ەكونوميست اندرەي چەبوتارەۆ قازاقستاندا سۇيىتىلعان گازدىڭ نەلىكتەن قىمباتتايتىنىن ءتۇسىندىردى، دەپ حابارلايدى "ادىرنا" ۇلتتىق پورتالى قارجى ساراپشىسىنىڭ اۆتورلىق كانالىنا سىلتەمە جاساپ.

- بەنزينگە ۇقساس جاعداي – نارىقتى ۇزاق ۋاقىت بويى ۇستاپ تۇردى. 2022 جىلدىڭ 1 قاڭتارىنان باستاپ سۇيىلتىلعان مۇناي گازى ساۋداسىنىڭ 100%-ى تاۋارلىق بيرجا ارقىلى وتەدى، - دەيدى ساراپشى.

قر ەنەرگەتيكا مينيسترلىگىنىڭ مالىمەتىنشە، ەلەكتروندىق ساۋدا-ساتتىق ارقىلى گاز وتكىزۋ نارىقتىڭ بارلىق قاتىسۋشىلارى ءۇشىن تەڭ دارەجەدە جۇرگىزىلۋدە جانە گازدىڭ قاجەتتى كولەمىن تىكەلەي وندىرۋشىلەردەن ساتىپ الۋعا مۇمكىندىك بەرەدى.

- بيرجالىق ساۋدا-ساتتىق جاعدايىندا گازدىڭ ءبىر ءليترىن 60 تەڭگەگە قايتارۋدى تالاپ ەتۋ وتە قىزىق (شىندىعىندا اقىلعا قونىمسىز). نارىقتىق ەكونوميكادا بۇل مۇمكىن ەمەس، ارينە، - دەدى اندرەي چەبوتارەۆ.

بۇدان بۇرىن ماڭعىستاۋ وبلىسىنىڭ اكىمدىگى سۇيىتىلعان گاز باعاسىنىڭ قىمباتتاۋى تۋرالى پىكىر ءبىلدىردى جانە ءجيى قويىلاتىن سۇراقتارعا جاۋاپ بەردى.

«بايديلدينوۆ. نەفت» اۆتورلىق باعدارلاماسىنىڭ جۇرگىزۋشىسى ولجاس ءبايدىلدينوۆ تە وسى ماسەلەگە قاتىستى پىكىر ءبىلدىردى.

- سۇيىتىلعان گازدىڭ باعاسى باياعىدا ءوسۋى كەرەك ەدى. بۇل دا باسقا تاۋارلار سياقتى نارىقتىق تاۋار. ونىڭ نەگىزگى جابدىقتارى، ماتەريالدار، شىعىن ماتەريالدارى – يمپورتتالادى نەمەسە حالىقارالىق باعالارعا تىكەلەي بايلانىستى بولادى. مىسالى، مەتالل قازاقستاندا وندىرىلەدى، بىراق تولىعىمەن الەمدىك باعالارعا تاۋەلدى، - دەدى ساراپشى.

ال، قر ەنەرگەتيكا مينيسترلىگىنىڭ مالىمەتىنشە، 2019 جىلى قر «گاز جانە گازبەن جابدىقتاۋ تۋرالى» زاڭىنا سايكەس سۇيىتىلعان مۇناي گازىن ەلەكتروندىق ساۋدا الاڭدارى ارقىلى ساتۋعا كوشكەن.

"ادىرنا" ۇلتتىق پورتالى

پىكىرلەر