Prezidenttıŋ qandai saiasi reformalary 2021 jyly jüzege asyryldy?
2021 jyl da elımız üşın naqty reformalar qolǧa alynǧan jyl boldy.
Saiasi blok jäne adam qūqyǧyn qorǧau mäselelerıne qatysty özgerıster äuel bastan tyŋ qarqynmen bastaldy.
Biyl osy salalarda qandai özgerıster boldy?
1) Mamyr aiynda Prezident saiasi partiialardyŋ Mäjılıske ötu şegın 7 paiyzdan 5 paiyzǧa tömendetken zaŋǧa qol qoidy.
2) Atalǧan zaŋ barlyq deŋgeidegı sailau biulletenderıne «bärıne qarsymyn» baǧanyn da engızdı.
3) Mausym aiynda Memleket basşysynyŋ arnauly jarlyǧy boiynşa Adam qūqyqtary salasyndaǧy bırınşı kezektegı şaralar jospary bekıtıldı.
Būl qūjat adam saudasy qūrbandary men mümkındıgı şekteulı azamattardyŋ qūqyqtaryn, sonymen qatar qylmystyq sot törelıgı, oryndau jäne azaptau men qatygez äreketterdıŋ aldyn alu salasyndaǧy adam qūqyqtaryn qamtamasyz etetın naqty şaralardy qamtidy.
4) 25 şıldede Qazaqstanda alǧaş ret auyldyq okrug äkımderınıŋ sailauy öttı. Osy sailaudyŋ nätijesı boiynşa auyl äkımderınıŋ korpusy 50 paiyzdan astam jaŋardy.
5) Prezident biylǧy qyrküiekte halyqqa kezektı Joldauyn jariia etıp, deputat mandatyn bölu kezınde äielder men jastar üşın közdelgen 30 paiyzdyq kvotany zaŋ jüzınde bekıtudı ūsyndy.
Sondai-aq, Memleket basşysy partiialardyŋ sailau tızımı boiynşa kvota bölınetın azamattar sanatynyŋ tızımın keŋeitudı ūsyndy. Jastar men äielderden bölek, erekşe qajettılıgı bar azamattarǧa da kvota bölınedı. Osyǧan orai tiıstı zaŋ jobalary äzırlendı.
6) Joldauda adam qūqyǧyn qorǧauşylardyŋ qūqyǧyn qorǧau jäne qylmystyq prosestı jetıldıru üşın naqty şaralar qabyldau qajettıgı aityldy. Būdan bölek, polisiianyŋ servistık modelınıŋ auqymyn keŋeitu mındetı qoiyldy. Tiıstı pilottyq joba biyl tabysty aiaqtaldy. Kelesı jyldan bastap būl jūmys täsılı bükıl el boiynşa qolǧa alynady.
7) Adam qūqyqtary jönındegı uäkıl institutyn jan-jaqty nyǧaitudy jäne ölım jazasyn joiudy közdeitın ekı zaŋ jobasy äzırlendı. Būl – adam qūqyǧyn qorǧau salasyna tyŋ özgerıs äkeletın maŋyzdy qūjattar.
Mıne, mūnyŋ bärı Memleket basşysynyŋ saiasi reformalarǧa qatysty bastamalarynyŋ bır parasy ǧana. Osy bastamalardy jüzege asyru üşın biyl 2 jarlyq jäne 6 zaŋ qabyldandy.
Jalpy, Prezident ūsynǧan barlyq saiasi özgerısterdı jüzege asyru üşın auqymdy ärı josparly jūmys atqaryluda. Sondyqtan, saiasi jäne qūqyq qorǧau salasyn jaŋǧyrtu jūmysy 2022 jyly da jalǧasyn tabady.
Erlan KARİN
(jazba Facebook paraqşasynan alyndy)
Ūqsas jaŋalyqtar
