Memleket basşysy Qasym-Jomart Toqaev Almaty qalasyna jūmys sapary barysynda tūrǧyndarmen kezdesıp, Qaŋtar oqiǧasy turaly aitty, dep habarlaidy “Adyrna” tılşısı.
«Qasırettı Qaŋtar elımız üşın zor synaq boldy. Qasaqana äreket etken qaraqşylar toby memlekettıgımızdıŋ tūǧyryn şaiqaltuǧa tyrysty, eldegı tūraqtylyqtyŋ tamyryna balta şapqysy keldı. Bız būl jerde bır mäselenıŋ basyn aşyp aluymyz kerek. Beibıt şerulerdıŋ sebebı – bır bölek. Al, memlekettık töŋkerıs jasaǧysy kelgenderdıŋ maqsaty – mülde basqa. Qaŋtar oqiǧasynyŋ astaryna üŋılsek, onyŋ sebepterı aiqyn körınedı. Elımızde ūzaq uaqyt äleumettık ädıldık nazardan tys qaldy. Memleket pen qoǧamnyŋ arasy alşaqtap kettı. Jyldar boiy şeşılmegen äleumettık-ekonomikalyq mäselelerden jūrt äbden qajydy. Būl – tüsınıktı jait. Alaida, qylmyskerlerdıŋ közdegenı basqa edı. Olar beibıt şerudı jappai tärtıpsızdıkke ainaldyrǧysy keldı. Aldyn-ala äzırlegen arandatuşylar, būzaqylar, tıptı qaraqşylardy paidalandy», – dedı Toqaev.Prezident Qaŋtar oqiǧasy kezınde Almatydaǧy jaǧdai kürt naşarlap, tıptı, baqylaudan şyqqanyn aitty.
Qylmyskerler äkımşılık ǧimarattardy basyp aldy. Köşelerdı jauyp, jolynda kezdeskennıŋ bärın qiratty, tonady. Qysqasy, oilaryna ne kelse, sony ıstedı. Bıraq, qandai jaǧdai bolsyn, azamattarymyz, eŋ bastysy, Almatynyŋ asqaq ruhyn qūlatqan joq. Qala tūrǧyndary jūdyryqtai jūmyldy, süiıktı qalasyn qorǧap qalu üşın bırıktı. Ärine, sodyrlardyŋ mūndaidy kütpegenı aidan anyq, – dep qosty Prezident.Prezident qazır keibıreuler qaŋtardaǧy qylmystyq ärekettı halyq köterılısı dep aqtauǧa tyrysyp jürgenın de atap öttı.
«Elımızdıŋ altyn besıgı – Almatyny qiratyp jatqany osy qalanyŋ perzentı retınde menıŋ de janyma batty. Degenmen, däl sol sätte abdyrap, uaqyt ūttyruǧa eş qaqymyz bolǧan joq. Onda äbden dandaisyp ketken qaraqşylar qalamyzdy kül-talqan eter edı. El taǧdyry synǧa tüsken jauapty sätte halqymyz myzǧymas bırlıgı men qaitpas qaisarlyǧyn tanytty. Memlekettıgımızdı saqtap qalu üşın bız qandai täuekelge de baratynymyzdy aiqyn körsettık. Sol qiyn künderde bükıl Qazaqstan halqy almatylyqtardyŋ tıleuın tıledı. Ökınışke qarai, qazır keibıreuler qylmystyq ärekettı halyq köterılısı dep aqtauǧa tyrysyp jür. Taǧy da aitamyn: halyqtyŋ beibıt şeruı men qaraqşylar jasaǧan qandy qylmystyŋ arasyn ajyrata bılu kerek. Bız jedel jäne batyl äreket jasaǧannyŋ arqasynda el ışınde dereu tärtıp ornattyq. Qabyldaǧan şeşımderımız jäne ıs-äreketımız bükıl dünie jüzınde tüsınıstıkpen moiyndaldy, tıptı, qoldau tapty», – dedı ol.
Ūqsas jaŋalyqtar
