Qazaqta tört tülıktıŋ töresı jylqyǧa jany qūmar näzık jandylar az emes. Solardyŋ bırı – Ǧaliia Tarasova. Bügınde 21 jastaǧy aru ūlttyq sport türın damytyp, türlı baiqauǧa qatysyp jür.
– Ǧaliia, jıgıttermen iyq tıresıp, at jalyn tartyp mıngen qyzsyz. Būl önermen qalai tanystyŋyz?
– Atqa mınudı 18 jasymda üirendım. Sodan berı jylqyǧa üiırsekpın. Kolledjde oqyp jürgenımde «Sarbaz ruhy» tarihi-patriottyq klubynyŋ müşelerı kelıp, özderınıŋ qatarlaryna qosyluǧa şaqyrǧan edı. Keiın kastingten ötıp, jaŋa qyrymdy baiqai bastadym. Qazırgı uaqytta komandada 3 qyz ǧana qaldyq. Bızdıŋ jetekşımız – Äsel Älışerova, al akrobatika boiynşa jattyqtyruşymyz – Kuvan Sopubekov. Tälımgerlerımız basynan bastap atqa qalai dūrys otyrudy, onyŋ üstınde erkın boludy, sekırudı, triukter jasaudy üirettı. Alǧaşqy kezde talai ret qūlap qalǧanmyn. Barlyǧyn tolyq meŋgeruge 1 jyldan astam uaqytym kettı.
– Jarystarǧa jiı qatysasyz ba?
– İä, sebebı at dese ışken asymdy jerge qoiamyn. Osy uaqytqa deiın respublikalyq, halyqaralyq dodalarda baq synadym. Sonyŋ ışınde 2018 jyly Qyrǧyzstanda ötken III Düniejüzılık köşpendıler oiynyn, 2019 jyly Polşada ötken «Face of tradition» festivalın erekşe atap öte alamyn. Onyŋ bıreuınde ekınşı oryn alsaq, ekınşısınde «Körermender közaiymy» atandyq.
– Keremet! Al jylqyny kım baptaidy?
– Jalpy at baptaudy atadan qalǧan asyl öner dep sanaimyn. Bos uaqytymda oǧan özım qaraimyn. Tūlparymdy tazalap, äbzelın kigızemın. Sondai-aq bırge jattyǧular ötkızıp tūramyn. Al negızınen bızdıŋ attar atqorada bolady. Arnaiy qarauşylary bar.
– Ǧaliia, atqa mınudı qalai tez üirenuge bolady? Bälkım, laifkahtarymen bölısersız.
– Eŋ aldymen, sız atpen tanysyp, onymen bailanys ornatuyŋyz kerek. Söilesıŋız, tamaqtandyryŋyz, üstınde otyrǧanda senımdı bolyŋyz. Bastapqy kezde bırneşe ret qūlap qaluyŋyz mümkın. Ony qalypty jaǧdai retınde qabyldaŋyz. Barlyǧy täjıribe arqyly keletının ūmytpau qajet. Būl januar barlyǧyn sezedı. Ony ūryp-soǧuǧa bolmaidy. Osy oraida jylqyny dūrys basqarudy üirenu de maŋyzdy. Eŋbektenıŋız, tyrysyŋyz. Sol kezde nätijenı köresız.
– Äŋgımeŋızge raqmet! Sättılık tıleimız!
– Keremet! Al jylqyny kım baptaidy?
– Jalpy at baptaudy atadan qalǧan asyl öner dep sanaimyn. Bos uaqytymda oǧan özım qaraimyn. Tūlparymdy tazalap, äbzelın kigızemın. Sondai-aq bırge jattyǧular ötkızıp tūramyn. Al negızınen bızdıŋ attar atqorada bolady. Arnaiy qarauşylary bar.
– Ǧaliia, atqa mınudı qalai tez üirenuge bolady? Bälkım, laifkahtarymen bölısersız.
– Eŋ aldymen, sız atpen tanysyp, onymen bailanys ornatuyŋyz kerek. Söilesıŋız, tamaqtandyryŋyz, üstınde otyrǧanda senımdı bolyŋyz. Bastapqy kezde bırneşe ret qūlap qaluyŋyz mümkın. Ony qalypty jaǧdai retınde qabyldaŋyz. Barlyǧy täjıribe arqyly keletının ūmytpau qajet. Būl januar barlyǧyn sezedı. Ony ūryp-soǧuǧa bolmaidy. Osy oraida jylqyny dūrys basqarudy üirenu de maŋyzdy. Eŋbektenıŋız, tyrysyŋyz. Sol kezde nätijenı köresız.
– Äŋgımeŋızge raqmet! Sättılık tıleimız!
Äŋgımelesken Diana Asan,
«Adyrna» ūlttyq portaly
