Vladımır Zelenskıı óz saıasatyn qaıta qarastyrmasa, Ýkraına Reseı aýmaǵynyń bir bóligi bolýy kerek, dep málimdedi Sheshenstan basshysy Ramzan Qadyrov. Bul týraly "Adyrna" ulttyq portaly habarlaıdy.
- Eger Zelenskıı men onyń komandasy osylaı áreket etetin bolsa, Ýkraına bizdiń elge qosylýy kerek ekenine tereń senimdimin. Ýkraındar – bizdiń halyq, bul – bizdiń terrıtorııamyz. Bul meniń pikirim, - dedi saıasatker.
Onyń aıtýynsha, eger oǵan Ýkraınadaǵy jaǵdaıdy retteý týraly tapsyrma berilse, ol muny áldeqashan shesher edi.
Qadyrov atap ótkendeı, ol muny eki jolmen jasaı alady:
- Sheshenstandy Ýkraınaǵa qosý;
- nemese jaı ǵana Ýkraınany alyp ketý arqyly.
Respýblıka basshysynyń aıtýynsha, Batys elderi Reseıdiń jaǵdaıyn belgileý úshin ózderiniń áskerı bazalaryn Ýkraına aýmaǵynda ornalastyrýǵa múddeli. Qadyrov Reseı prezıdenti Vladımır Pýtınniń buǵan jol bermeıtinine senim bildirdi.
- Men jaıaý áskermin, buıryq kelgen boıda esh qıyndyqsyz oryndaýǵa daıynmyn, óıtkeni men bilemin: memlekettiń jáne halqymyzdyń tutastyǵy men qaýipsizdigi eń bastysy, - dep málimdedi Ramzan Qadyrov.
Sondaı-aq ol "Memlekettik kelisimder bar" bolǵandyqtan, «mundaı sheshimdi» óz betinshe qabyldaı almaıtynyn aıtty.
"Adyrna" ulttyq portaly
