QR Qaruly Küşterı äskeri äue küşterıne qarasty 53898 äskeri bölımındegı aǧa ūşqyş ärı nūsqauşy leitenant Ardana Botai özınıŋ äskeri qyzmetın abyroimen atqaryp keledı, dep habarlaidy «QazAqparat» HAA tılşısı.
Ardana Botai bala kezınen ūşqyş boludy armandap, joiǧyş ūşaqty tızgındeudı maqsat etıptı. Osy arman on alty jastaǧy boijetkendı memlekettık aviasiialyq ortalyqqa jetelep kelgen. Ortalyqta üzdıkterdıŋ bırı bolǧan kursant TL-2000, Diamond-42 jäne Techam-P 2002 sekıldı jeŋıl motorly ūşaqtardy jürgızudı üirenedı.
Joǧary ūşqyş mamandyǧyn ol Qazaqstan Respublikasynyŋ Azamattyq aviasiia akademiiasynda alǧan. Oqu aiaqtalysymen Ardana 2010 jyldyŋ qaŋtar aiynan bastap An-26 äskeri-kölıktık ūşaq ekipajy komandirınıŋ kömekşısı bolyp qyzmetke keledı. Qazırgı uaqytta Balqaş qalasyndaǧy 53898 äskeri bölımınde äskeri qyzmetın ötep jür.
«Qūs sekıldı samǧap jürıp, kök aspanǧa ǧaşyq bolmau mümkın emes. Bala kezden ūşudy armandaityn edım. Kışkene kezımde äkem ekeumızdıŋ Almatyǧa ūşyp barǧanymyz esımde. Sol kezdıŋ özınde men pilottyŋ eŋ basty mındetı - kez kelgen jaǧdaida dūrys şeşım qabyldau ekenın sezındım. Ūşqyştar - äuedegı qorǧauşylar emes pe!?», - deidı Ardana Botai.
matritca.kz
