Qazaqstanda esırtkı kontrabandasyna qatysy bar degen küdıkpen ūstalǧan reseilık reperge qatysty qylmystyq ıs aqtalmaityn negız boiynşa toqtatyldy, dep habarlaidy “Adyrna”.
Änşınıŋ özı elden şyǧaryldy. Alaida būl şeşım onyŋ sottalǧanyn bıldırmeidı.
Almaty qalalyq advokattar alqasynyŋ advokaty Abzal Qasymjanovtyŋ tüsındıruınşe, ıs änşınıŋ şyn ökınuıne bailanysty toqtatylǧan. Būl jaǧdaida adam qylmystyq jauaptylyqtan bosatylady, bıraq aqtalǧan bolyp sanalmaidy.
Advokattyŋ aituynşa, şyn ökınu negızınde ıstı toqtatu kezınde adamnyŋ jeke basy, kınäsın moiyndap keluı, tergeuge kömektesuı jäne keltırılgen ziiandy öteuı siiaqty män-jailar eskerıledı. Alaida polisiianyŋ habarlamasynda Navai-ǧa qatysty naqty qandai äreketter negızge alynǧany körsetılmegen.
Advokattyŋ mälımetınşe, änşınıŋ sottylyǧy joq. Eger qylmystyq ıs sotqa deiın toqtatylyp, aiyptau ükımı şyǧarylmasa, sottylyq tuyndamaidy. Degenmen, qylmystyq ıs boiynşa mälımetter memlekettık derekqorlarda saqtaluy mümkın.
Advokattyŋ tüsındıruınşe, sot şeşımımen elden şyǧarylǧan şeteldıkke Qazaqstanǧa kıruge bes jylǧa deiın tyiym salynuy mümkın. Būl merzım elden şyǧaru turaly şeşım oryndalǧan künnen bastap esepteledı. Sondyqtan Navai-dyŋ Qazaqstanǧa naqty qaşan orala alatynyn anyqtau üşın tiıstı şeşımnıŋ oryndalǧan künın bılu qajet. Jariialanǧan aqparatta būl mälımet naqtylanbaǧan.
Eske salaiyq, 14 qazanda reseilık reper Navai-dyŋ Qazaqstanda ūstalǧany habarlanǧan edı.
