Elbasy men táýelsizdik – egiz uǵym. Ony Qazaqstannyń qazirgi tarıhyna kýá bolǵan árbir azamat biledi.
Bul paıymdy halyqaralyq jáne otandyq sarapshylar da jıi aıtady. Sebebi Elbasy Nursultan Nazarbaev elimizge táýelsizdik alýdyń basynda bolyp, bul kıeli uǵymdy dúıim halyqqa uǵyndyra bildi.
Elbasynyń táýelsizdik jyldaryndaǵy eńbegin Ulybrıtanııa lordy Djeıms Ýorton da baǵalaǵan edi.
«Qazaqstan aımaq pen odan tys jerlerde artyp kele jatqan ról atqara bastady. Elbasynyń basshylyǵymen kóptegen jetistikke qol jetkizilgeni anyq. Bul bizdiń urpaqtarymyzdyń tamasha bolashaǵynyń negizin qalady. Biz muny saıası pikirtalastarda kóremiz. Keıbir qujattarmen tanysýǵa múmkindik aldym. Máselen, «100 naqty qadamdy» Elbasy bolashaq damý jospary retinde ázirledi», – dedi lord Djeıms Ýorton «Qazaqstannyń partııalyq-saıası júıesiniń evolıýııasy» halyqaralyq forýmynda.
«Jarasym» respýblıkalyq jastar qozǵalysynyń tóraǵasy Tımýr Jumyrbaev Elbasy men táýelsizdikti bólip jaryp aıtýǵa bolmaıtynyn aıtady.
Elbasynyń salıqaly saıasatynyń nátıjesinde elimiz Keńes odaǵynyń qursaýynan shyǵyp, táýelsiz elge aınaldy. Barlyǵy basynan osylaı jaqsy bolyp ketti dep te aıtýǵa bolmaıdy. 30 jyl ishinde saıası-áleýmettik, ekonomıkalyq kezeńderdi bastan ótkerdik. Búgingi deńgeıimizdi qarasaq, 30 jyl buryn qalalar jylýsyz, muǵalimder men dárigerler aılar boıy jalaqy almaı júrip, naryqtyq ekonomıka bolmaǵanyna sený óte qıyn. Qazir Qazaqstannyń ekonomıkasy naryqtyq ári sheteldik naryqtarmen tyǵyz baılanys ornatqan. 30 jylda Elbasy saıasatynyń arqasynda álemge tanymal, kóp kelissózderdiń ordasyna aınalǵan elordamyz da kóbiniń kóńilinen shyǵady. Osynyń barlyǵyn saralaı kele Elbasy men táýelsizdikti bólip-jarýǵa kelmeıtinin kórýge bolady, – dedi ol.
