Elbasy halqymyzdyń uly perzenti ekenin dáleldedi – Toqaev

3733

Táýelsizdik jyldarynyń alǵashqy synaqtarynan qazaq halqy dara basshylyǵymen súrinbeı ótti. Bul týraly Prezıdent Qasym-Jomart Toqaev QR Táýelsizdiginiń 30 jyldyǵyna oraı saltanatty jıynda aıtty.

«Elbasy óziniń bir suhbatynda azattyqtyń alǵashqy áserin eske alǵany bar. Onda jurttyń bári máz-meıram bolyp jatty. Meniń de qýanyshymda shek joq edi. Biraq qatty qobaljydym. Óıtkeni ári qaraı ne bolaryna alańdaýly edim» degen bolatyn. Bul shúbásiz aqıqat. Elbasy aıtqandaı, Táýelsizdikti alý bir basqa, ony saqtap qalý bir basqa. Prezıdenttiń aldynda jańa memleket qurý mindeti turdy», - degen Memleket basshysy Elbasynyń aldynda ózine senim artqan halyqty qıyndyqtan alyp shyǵý mindeti turǵanyn eske aldy.

«Eldegi san túrli máseleni sheshýdiń basty jaýapkershiligi Memleket basshysyna júkteldi. Sonyń bárin Tuńǵysh Prezıdentimiz abyroımen eńsere bildi. Túptep kelgende Nursultan Ábishuly Nazarbaev halqymyzdyń uly perzenti ekenin óz eńbegi arqyly tolyq dáleldedi.

Jurtymyz onyń dara basshylyǵymen kederginiń bárinen súrinbeı ótti. Búgingi mereıli memleketimiz – Elbasymyzdyń eren eńbeginiń jemisi», - dedi Qasym-Jomart Toqaev.

Pikirler
Redakııa tańdaýy