Memleket basshysy Qasym-Jomart Toqaev elimizdiń Táýelsizdikti nyǵaıtýdaǵy Elbasy Nursultan Nazarbaevtyń tarıhy rólin atady.
«Biz memleketimizdiń eń basty merekesi – Táýelsizdik kúnin atap ótýge daıyndalyp jatyrmyz. Osy kúnderi biz QR Tuńǵysh Prezıdenti Nursultan Ábishuly Nazarbaevtyń Qazaqstan memleketin qurýdaǵy, elimizdiń egemendigi men táýelsizdigin nyǵaıtýdaǵy tarıhı rólin atap ótýdemiz. Sonymen qatar biz Qazaqstan Respýblıkasynyń Tuńǵysh Prezıdentiniń Eýrazııalyq ekonomıkalyq odaqty qurý bastamasyn kótergen tarıhı faktisin de eske salǵanymyz jón. Osynyń arqasynda biz búgin kezekti otyrysymyzdy ótkizip jatyrmyz», - dedi Qasym-Jomart Toqaev Joǵary Eýrazııalyq ekonomıkalyq keńestiń otyrysynda.
Memleket basshysy otyrys barysynda Qazaqstan Táýelsizdiginiń 30 jyldyǵyna oraı búgin aıtylǵan quttyqtaýlarǵa alǵysyn jetkizdi.
«Sonymen birge, Qazaqstan Respýblıkasy Táýelsizdiginiń 30 jyldyǵyna oraı quttyqtaýlar men resmı jedelhattar túsip jatyr. Meniń oıymsha, burynǵydaı birlese jumys isteı otyryp, biz halyqtardyń ıgiligine qyzmet etemiz», - dedi QR Prezıdenti.
Budan buryn habarlanǵandaı, QR Prezıdenti Qasym-Jomart Toqaevtyń tóraǵalyǵymen Joǵary Eýrazııalyq ekonomıkalyq keńestiń otyrysy (JEEK) ótip jatyr.
