Sauytbek Abdrahmanov: Elbasyna berıletın baǧanyŋ bıreuı – özınıŋ saiasi ızbasaryn tärbieleuı

Parlament deputaty, Mäjılıstegı Qazaqstan halqy Assambleiasy deputattyq tobynyŋ jetekşısı Sauytbek Abdrahmanov Elbasynyŋ bügın jariialanǧan «Täuelsızdık taǧylymy» atty maqalasyna qatysty pıkır bıldırdı. «Elbasymyz Nūrsūltan Nazarbaev der şaǧynda, ūlystyŋ ūly toiynyŋ däl qarsaŋynda jariialaǧan «Täuelsızdık taǧylymy» atty eŋbegınde: «Bız atom qaruynan öz erkımızben bas tartyp, bükılälemdık iadrolyq qarusyzdanu köşın bastadyq. Būl – Qazaqstannyŋ jahandyq beibıtşılıktı saqtauǧa qosqan teŋdessız ülesı» dep atap aitqan, qadap körsetken. İä, Qazaqstannyŋ älemdegı beibıtşılık jolyndaǧy şerudıŋ köşın bastaǧanynyŋ özıne otyz jyl tolyp otyr. Ony otyz jyldan berı bükıl älem bılıp, laiyqty baǧalap otyr», - dep atap öttı qoǧam qairatkerı. Sauytbek Abdrahmanovtyŋ pıkırınşe, būl sözge däleldı alystan ızdeudıŋ qajetı joq. «Osydan ekı kün būryn AQŞ prezidentı Djozef Baidennıŋ Qazaqstan prezidentı Qasym-Jomart Toqaevtyŋ atyna memleketımız täuelsızdıgınıŋ mereitoiyna orai joldaǧan qūttyqtauy jariialandy. Onda: «Qazaqstannyŋ Ortalyq Aziiada jäne bükıl älemde beibıtşılık, tūraqtylyq pen güldenudı saqtau jolynda köş bastap kele jatqanynyŋ 30 jyldyq mereitoiy qarsaŋyndaǧy quanyşyŋyzǧa ortaqpyn» dep jazylǧan. Kım aitsa da oŋai söz emes. Älemdegı eŋ quatty eldıŋ liderı aitsa, tıptı salmaqty söz. Al sodan, iaǧni Nūrsūltan Nazarbaev qazaq jerındegı ajal aranyna öz qolymen qūm qūiyp, tajaldy tūnşyqtyrǧannan nebärı bes-aq jyl būryn bız qandai el edık? Mäskeu oiyndaǧysyn jasaityn, kadrlyq eksperiment ötkızıp, topyraǧymyzǧa tabany tiıp körmegen köldeneŋ kök attyny bızdı basqaruǧa jıbere salatyn el emes pe edık? Sol eldıŋ etektegı basyn törge şyǧaryp bergen eren erdıŋ keşe jariia etılgen tolymdy tolǧauy täuelsızdıktıŋ tar jol, taiǧaq keşuın äŋgımeleumen ǧana şektelmeidı, egemendıkke ūmtylumen ötken halyqtyŋ eŋ qasiettı qūndylyqty qandailyq qasterleuge tiıstı ekendıgın de tebırene söz etedı», - deidı halyq qalaulysy.