Üşınşı megapolistıŋ sportşylary 2021 jyldy tabysty aiaqtady. El Täuelsızdıgınıŋ 30 jyldyǧy mereitoiy qarsaŋynda jäne «Jūldyzdy 30 kün» ıs-şarasy aiasynda Şymkent qalasynyŋ sportşylary jas erekşelıkterıne qarai Älem chempionattarynda 30 altyn, 24 kümıs jäne 24 qola medalǧa ie bolǧan. Būl turaly qalalyq körme ortalyǧynda ötken saltnatty jiynda qala äkımınıŋ orynbasary Maqsūt İsahov mälımdedı.
Jiynda söz alǧan Maqsūt Pernebaiūly sport salasynyŋ üzdıkterı men jattyqtyruşylardy elımızdıŋ eŋ basty merekesı – 30 jyldyq mereitoiymen ärı erekşe mänge ie Täuelsızdık künımen qūttyqtady.
– Täuelsızdıktıŋ arqasynda elımız, qalamyz ösıp, damyp keledı. Üşınşı megapolistıŋ sportşylary da eldıŋ daŋqyn şyǧaryp, memleketımızdı älemge tanytuda küş saluda. 23 şılde men 8 tamyz aralyǧynda Japoniianyŋ Tokio qalasynda ötken XXXII Jazǧy Olimpiada oiyndaryna qalamyzdan Ūlttyq qūrama sapynda sporttyŋ 7 türınen 10 sportşy, Paralimpiada oiyndarynda 1 sportşy el namysyn qorǧady. Olimpiada oiyndarynyŋ nätijesınde karate sport türınen ekı sportşymyz ekı qola medaldı el qorjynyna salsa, bokstan bır sportşymyz jarysty 5-şı orynmen aiaqtady. Sonymen qatar Aziia chempionattarynda Şymkent qalasynyŋ sportşylary edauır jetıstıkterge jetıp 36 altyn, 30 kümıs jäne 18 qola medalǧa ie bolǧan. Qazaqstan Respublikasynyŋ chempionattarynda 477 altyn, 365 kümıs jäne 420 qola medaldy jeŋıp alǧan. Sondai-aq, 2021 jyly öŋırden Qazaqstan Respublikasynyŋ qūrama sapyna 885 sportşymyz engenın aita ketu kerek. Qūrmettı sportşylar, jattyqtyruşylar aldaǧy bolatyn ülken dodalarda Täuelsız Elımızdıŋ namysyn qorǧap, jeŋıs tūǧyrynan körınetınderıŋızge kämıl senemın, - dedı M.İsahov.
Jiyn barysynda Maqsūt Pernebaiūly sportta jetken jetıstıkterı üşın sportşylar men jattyqtyruşylardy, Qazaqstan Respublikasy Mädeniet jäne sport ministrlıgınıŋ şeşımımen 2021 jyldyŋ Qazaqstan Respublikasynyŋ «Üzdık sport mektebı» atanǧyna ie bolǧan Şymkent qalasynyŋ joǧary sport şeberlıgı mektebınıŋ ūjymyn Şymkent qalasy äkımınıŋ atynan qūttyqtady. Sportşylarǧa arnaiy diplom, statuetka men qarjylai syilyqtar tabystaldy.
A.JÄDIGERŪLY
