QR Täuelsızdıgınıŋ 30 jyldyǧyna orai Şymkent qalasynyŋ Nūrsät şaǧynaudanyndaǧy №104, 105 köp qabatty tūrǧyn üilerdıŋ kıltterın tabystau räsımı öttı. Is-şaraǧa Şymkent qalasyna jūmys saparymen kelgen QR Memlekettık hatşysy Qyrymbek Köşerbaev, qala äkımı Mūrat Äitenov qatysty.
Qalada tūrǧyn üi kezegınde tūrǧan 112 otbasy jaŋa päterlerdıŋ kıltıne ie boldy. Olardyŋ barlyǧy – köp balaly jäne äleumettık jaǧynan älsız toptaǧy otbasylar.
QR Memlekettık hatşysy Q.Köşerbaev pen qala äkımı M.Äitenov şymkenttıkterdı Täuelsızdık merekesımen qūttyqtap, otbasylarǧa köpten kütken päter kıltterın tabystady.
«Qalanyŋ jaŋa damu baǧdary aiqyndaldy. Onyŋ bolaşaǧynan ülken ümıt kütemız. Şymkenttı jaily qalaǧa ainaldyruda ülken jūmystar atqaryluda. Biyl 1 mln. şarşy metr alaŋy bar tūrǧyn üi paidalanuǧa berılude. Būl būryn-soŋdy bolmaǧan körsetkış. Halqymyzdyŋ sany artyp keledı. Tūrǧyndar sany eselep öse bersın», - dedı şaraǧa qatysqan Qyrymbek Köşerbaev.
Qala äkımı halyqty tūrǧyn üimen qamtu salasynda auqymdy jūmystar atqarylyp jatqanyn jetkızdı. Biyl 676 azamat satyp alu qūqyǧynsyz arendalyq pätermen qamtamasyz etılmek. Sonymen qatar, aǧymdaǧy jyly «Nūrly jer» memlekettık baǧdarlamasynyŋ aiasynda 20 köp qabatty tūrǧyn üi kürdelı jöndeuden öttı.
Nūrsät şaǧynaudanynda ornalasqan 9 qabatty ekı tūrǧyn üidıŋ qūrylysyn merdıger «Korporasiia Aq ordasy» JŞS jürgızdı. 2019 jyly bastalǧan qūrylys jūmystary biyl jeltoqsan aiynda aiaqtaldy. Päterlerdıŋ jalpy audany – 6 230 şarşy metr.
Memleket basşysy Qasym-Jomart Toqaevtyŋ tapsyrmasyna säikes, jūmys ısteitın jastardy baspanamen qamtu jūmysy da jalǧasuda. Biyl osyndai 300 jasqa 5 jylǧa arendalyq päter tabys etıldı. Aldaǧy uaqytta taǧy 900 pätermen qamtu josparlanyp otyr.
Osydan 3 jyl būryn Şymkentte 430 myŋ şarşy metr tūrǧyn üi paidalanuǧa berılse, biyl būl körsetkış 1 million şarşy metrge jettı. 2023 jyldyŋ soŋyna deiın qalada taǧy 3 million şarşy metr tūrǧyn üi salynady.
Şymkent qalasy äkımdıgınıŋ baspasöz qyzmetı
