Şymkent qalasy mäslihatynyŋ kezektı on ekınşı sessiiasynda qalamyz üşın bırqatar maŋyzdy şeşımder qaralyp, maqūldandy. Sessiia jūmvsyna qala äkımı Mūrat Äitenov qatysty.
Kün tärtıbıne jalpy 13 mäsele şaǧyrylyp, deputattar tarapynan qoldau tapty.
Jiynda aldymen 2022-2024 jyldarǧa arnalǧan qala biudjetı bekıtıldı. Onda qaladaǧy barlyq mekteptegı bastauyş synyp oquşylaryn bır mezgıl ystyq tamaqpen qamtu, joldardy ortaşa jäne kürdelı jöndeu, densaulyq saqtau mekemelerın jabdyqtau, sport jäne mädeniet üiırmelerın jan basyna qarjylandyru, käsıpkerlıktı qoldau, qala aumaǧyn kögaldandyru, infraqūrylym jüielerın jürgızu syndy maŋyzdy salalarǧa qarjy baǧyttalǧan.
Nätijesınde kelesı jylǧa arnalǧan qala biudjetı 468 mlrd. teŋge kölemınde bekıtıldı. Onyŋ 22,4% – damu biudjetı, 77,6% – aǧymdaǧy şyǧyndardy qūraidy. Qala biudjetın naqtylau mäselesı qalalyq mäslihattyŋ tūraqty komissiialarynda, qoǧamdyq keŋeste jan-jaqty talqylanǧan.
Sessiia jūmysy barysynda qalanyŋ bes jyldyq damu baǧdarlamasynyŋ oryndaluy tyŋdalyp, josparǧa tolyqtyrular engızıldı.
Kelesı jyly memlekettık-jekeşelık ärıptestık aiasynda qolaily orta qalyptastyru, saiabaqtar men skverlerdı kütıp ūstau mındetterı boiynşa jobalar maqūldandy.
Qala basşysy kün tärtıbındegı mäseleler jönınde söz alyp, deputattar korpusyna Şymkenttıŋ ärı qarai örkendeuıne yqpal eter şeşımderge qoldau bıldırgenı üşın alǧysyn jetkızdı.
– Barşaŋyzdy kele jatqan elımızdıŋ ūlyq merekesı – Qazaqstan Respublikasynyŋ Täuelsızdıgı künımen qūttyqtaimyn. Täuelsızdıktıŋ 30 jyldyǧy – qaita jaŋǧyrǧan qazaq memlekettıgınıŋ, ata-babalarymyz aŋsaǧan azattyq tūǧyrynyŋ nyǧaia tüskenın äigıleitın maŋyzdy beles. Sızderdıŋ memleketımızdıŋ jarqyn bolaşaǧy jolyndaǧy atqarǧan eŋbekterıŋızge tabys, denderıŋızge saulyq tıleimın, -dedı M.Äitenov.
Jiyn soŋynda qala äkımı mäslihat hatşysy bastaǧan deputattar korpusyn jäne türlı salada jemıstı eŋbek etken bırqatar azamattarǧa «QR Täuelsızdıgınıŋ 30 jyldyǧy» memlekettık merekelık medalın, Memleket basşysynyŋ «Alǧys hatyn» jäne qala äkımınıŋ «Qūrmet grammotasyn» tabystady.
Şymkent qalasy äkımdıgınıŋ baspasöz qyzmetı
