Shymkent qalasy máslıhatynyń kezekti on ekinshi sessııasynda qalamyz úshin birqatar mańyzdy sheshimder qaralyp, maquldandy. Sessııa jumvsyna qala ákimi Murat Áıtenov qatysty.
Kún tártibine jalpy 13 másele shaǵyrylyp, depýtattar tarapynan qoldaý tapty.
Jıynda aldymen 2022-2024 jyldarǵa arnalǵan qala bıýdjeti bekitildi. Onda qaladaǵy barlyq mekteptegi bastaýysh synyp oqýshylaryn bir mezgil ystyq tamaqpen qamtý, joldardy ortasha jáne kúrdeli jóndeý, densaýlyq saqtaý mekemelerin jabdyqtaý, sport jáne mádenıet úıirmelerin jan basyna qarjylandyrý, kásipkerlikti qoldaý, qala aýmaǵyn kógaldandyrý, ınfraqurylym júıelerin júrgizý syndy mańyzdy salalarǵa qarjy baǵyttalǵan.
Nátıjesinde kelesi jylǵa arnalǵan qala bıýdjeti 468 mlrd. teńge kóleminde bekitildi. Onyń 22,4% – damý bıýdjeti, 77,6% – aǵymdaǵy shyǵyndardy quraıdy. Qala bıýdjetin naqtylaý máselesi qalalyq máslıhattyń turaqty komıssııalarynda, qoǵamdyq keńeste jan-jaqty talqylanǵan.
Sessııa jumysy barysynda qalanyń bes jyldyq damý baǵdarlamasynyń oryndalýy tyńdalyp, josparǵa tolyqtyrýlar engizildi.
Kelesi jyly memlekettik-jekeshelik áriptestik aıasynda qolaıly orta qalyptastyrý, saıabaqtar men skverlerdi kútip ustaý mindetteri boıynsha jobalar maquldandy.
Qala basshysy kún tártibindegi máseleler jóninde sóz alyp, depýtattar korpýsyna Shymkenttiń ári qaraı órkendeýine yqpal eter sheshimderge qoldaý bildirgeni úshin alǵysyn jetkizdi.
– Barshańyzdy kele jatqan elimizdiń ulyq merekesi – Qazaqstan Respýblıkasynyń Táýelsizdigi kúnimen quttyqtaımyn. Táýelsizdiktiń 30 jyldyǵy – qaıta jańǵyrǵan qazaq memlekettiginiń, ata-babalarymyz ańsaǵan azattyq tuǵyrynyń nyǵaıa túskenin áıgileıtin mańyzdy beles. Sizderdiń memleketimizdiń jarqyn bolashaǵy jolyndaǵy atqarǵan eńbekterińizge tabys, denderińizge saýlyq tileımin, -dedi M.Áıtenov.
Jıyn sońynda qala ákimi máslıhat hatshysy bastaǵan depýtattar korpýsyn jáne túrli salada jemisti eńbek etken birqatar azamattarǵa «QR Táýelsizdiginiń 30 jyldyǵy» memlekettik merekelik medalin, Memleket basshysynyń «Alǵys hatyn» jáne qala ákiminiń «Qurmet grammotasyn» tabystady.
Shymkent qalasy ákimdiginiń baspasóz qyzmeti
