Táýelsizdigimizdiń 30 jyldyǵyna oraı Shymkent qalalyq jumyspen qamtý jáne áleýmettik qorǵaý basqarmasyna qarasty «Aıaly alaqan» múmkindigi shekteýli balalardy ońaltý ortalyǵy ashyldy.
Nur Otan partııasynyń 2021-2025 jyldarǵa arnalǵan «Ózgerister joly: barshaǵa laıyqty ómir!» saılaýaldy baǵdarlamasynda belgilengen naqty is-sharalardy júzege asyrý maqsatynda qoldanysqa berilgen ońaltý ortalyǵynyń ashylý rásimine Shymkent qalalyq máslıhattyń hatshysy B.Narymbetov, Nur Otan partııasynyń qalalyq fılıaly tóraǵasynyń birinshi orynbasary J.Bektaeva, Abaı aýdanynyń ákimi B.Parmanov, qalalyq máslıhat depýtaty T.Sultanova, Nur Otan partııasynyń fılıaly janyndaǵy jumyspen qamtýdy jáne halyqtyń áleýmettik osal toptaryn qoldaý jónindegi aımaqtyq qoǵamdyq keńes tóraǵasy B.Kýanyshbekov jáne erekshe kútimdi qajet etetin balalardyń ata-analary qatysty.
«Halyqqa áleýmettik qyzmet kórsetetin qalalyq aýmaqtyq ortalyǵy» mekemesiniń ishinen ashylǵan ortalyqta tirek-qımyl jáne júıke júıesiniń dertine shaldyqqan 18 jasqa deıingi balalarǵa tolyq staıonarlyq jaǵdaıda áleýmettik, turmystyq, medıınalyq, psıhologııalyq, pedagogıkalyq, eńbek, mádenı, ekonomıkalyq, quqyqtyq qyzmet túrleri kórsetiledi. Osy maqsatta em-sharalyq, sporttyq jáne ózge de qyzmet kórsetetin bólmelermen jabdyqtalǵan. Bul jerde staıonarlyq jaǵdaıda 40-qa jýyq balaǵa deıin qyzmet kórsetý múmkindigi bar. Jalpy, qalalyq jumyspen qamtý jáne áleýmettik qorǵaý basqarmasyna qarasty 8 arnaýly áleýmettik ortalyq qyzmet jasaýda»,– deıdi, atalǵan basqarma basshysy Balmarjan Narbekova.
Shymkent qalasynyń Aqparattyq-kommýnıkaııalyq ortalyǵy
