Elbasy memleket damuynyŋ strategiialyq basymdyqtaryn bekıttı. Onyŋ ışınde Nūrsūltan Nazarbaevtyŋ jetekşılıgımen Qazaqstanda zamanaui industriialyq saiasat qalyptasty. Bügın «Türkıstan» saraiynda Tūŋǧyş Prezident künıne orai ötken merekelık şarada söilegen sözınde qala äkımı Mūrat Äitenov osylai dedı.
«Täuelsızdık däuırınde Qazaqstan tolaǧai tabystarǧa qol jetkızdı. Onyŋ bır qataryna toqtalar bolsam, Nūrsūltan Nazarbaevtyŋ jetekşılıgımen Qazaqstanda zamanaui industriialyq saiasat qalyptasty. Soŋǧy jyldardyŋ özınde elımızde 1500-den astam jaŋa öndırıs ıske qosylyp, 700 jaŋa önım türlerın şyǧaru jolǧa qoiyldy. Qazaqstanda şyǧarylǧan tuarlar älemnıŋ 110 elıne eksporttaluda. 2009 jyldan bastap öŋdeu sektoryndaǧy öndırıs kölemı 3 esege ūlǧaidy»,-dedı qala basşysy.
Mūrat Äitenov öz sözınde elımız Euraziialyq keŋıstıktegı ırı tranzittık habqa ainalyp, 2 700 şaqyrymnan asatyn Batys Europa-Batys Qytai kölık dälızınıŋ qazaqstandyq uchaskesı aşylǧanyn aitty. Sonymen bırge temır jol jäne avtomobil magistraldary jelısı kıretın Trans-kaspii dälızı qūrylǧanyn, osy jyldarda 15 myŋ şaqyrymǧa juyq avtomobil joldary, 4 myŋ şaqyrymdy qūraityn temır joldar salynyp, eldegı 16 äuejai qaita jaŋartylǧanyn jäne 4 äuejai jaŋadan salynǧanyn mälım ettı.
Şymkent qalasy äkımdıgınıŋ baspasöz qyzmetı
