QR Premer-Mınıstri Asqar Mamınniń tóraǵalyǵymen ótken Úkimet otyrysynda eldegi sanıtarlyq-epıdemıologııalyq jaǵdaı, jergilikti qamtýdy damytý, tutynýshylardyń quqyǵyn qorǵaý máseleleri qaraldy.
2021 jyldyń 9 aıynda jergilikti qamtýdyń ósý qarqyny ótken jyldyń sáıkes kezeńimen salystyrǵanda 6,4 %-dy quraǵan. Iaǵnı, 51,9 %-dan 58,3 %-ǵa artyp otyr. Qarapaıym zattar ekonomıkasynyń 7 salasy boıynsha (mashına jasaý, farmaevtıka, jeńil, jıhaz, hımııa jáne tamaq ónerkásipteri) jergilikti qamtýdyń josparly kórsetkishterine qol jetkizildi.
Qarapaıym zattar ekonomıkasy baǵdarlamasyn iske asyrýda, jergilikti qamtýdyń úlesin qadaǵalaý boıynsha barlyq óńirde tıisti komıssııalar qurylǵan. «Atameken» UKP basqarma tóraǵasy Abylaı Myrzahmetov bul oraıda Almaty, Nur-Sultan, Shymkent qalalarynda belsendi jumys júrgizilip jatqanyn atap ótti.
QR Premer-Mınıstri ákimdikterge jergilikti qamtýdy baqylaý jónindegi óńirlik komıssııalardyń jumysyn kúsheıtýdi, olardyń qyzmetine óńirlik bıznes ókilderin barynsha tartýdy tapsyrdy.
Shymkent qalasy ákimdiginiń baspasóz qyzmeti
