Shymkent qalalyq klınıkalyq balalar aýrýhanasynda alǵash ret skolıoz aýrýyna shaldyqqan naýqasqa kúrdeli ota jasaldy. Tyń ádispen jasalǵan operaııa Nur-Sultan qalasynan kelgen bilikti travmatolog dárigerdiń jetekshiligimen ótti.
Dárigerler omyrtqasy qısaıǵan 10 jasar qyz balasyna jeti saǵatqa jýyq ota jasady. Operaııaǵa aýrýhananyń travmatolog ortopedy Turdyqulov Baǵjan qatysty. Ota kezinde hırýrgtar naýqastyń omyrtqasyn hırýrgııalyq jolmen túzetip berdi. Naqtyraq aıtqanda, qısaıǵan súıegin túzetip, denesin tik ustaý úshin arnaıy temir qurylǵyny arqa tusyna ornatyp bergen. On jyldyq tájirıbesi bar elordalyq mamandar mundaı otanyń bul joly da kúrdeli ótkenin aıtady.
«Ońtústik óńirinde halyq sany kóp bolǵandyqtan, skolızge shaldyqqan naýqas balalar sany da bul aımaqta kóp ekenin aıtýǵa bolady. Sondyqtan mundaı joǵary mamandandyrylǵan otany aımaqtarǵa kelip, jergilikti mamandarmen tájirıbe bóliskenimiz durys. Bul joly biz qalalyq klınıkalyq balalar aýrýhanasyna kelip, osyndaı kúrdeli ota jasadyq. Operaııa sátti ótti. Ota jasaý barysynda bul aýrýhananyń joǵary mamandandyrylǵan hırýrgııalyq em jasaýǵa múmkindigi bar ekenin baıqadyq. Bul úshin jergilikti mamandardyń biliktiligi jetedi», - deıdi Nur-Sultan qalasyndaǵy «Ana men bala» ulttyq ǵylymı ortalyǵy ortopedııa bóliminiń jetekshisi Bolat Naǵymanov.
Bilikti dárigerdiń sózinshe, otadan keıin naýqastyń jaǵdaıy burynǵydan jaqsara túsedi. Iaǵnı, omyrtqanyń qısaıýynan paıda bolǵan búkirligi joıylady jáne boıynyń uzyndyǵy qalpyna túsedi.
Aıta keteıik, mundaı ota Nur-Sultan qalasynda 2010 jyldan beri jasalyp keledi. Jylyna ortasha eseppen skolıoz aýrýyna shaldyqan 150-ge jýyq balaǵa kúrdeli operaııa jasalady.
Nur-Sultandyq dárigerlerdiń qatysýymen ótken operaııaǵa jergilikti dárigerler qatysyp, áriptesterimen tájirıbe almasty. Jospar boıynsha qalalyq klınıkalyq aýrýhana mamandary taǵy da kúrdeli travmatologııalyq ota jasaý barysyn jetik meńgerip, jergilikti deńgeıde damytýda qolǵa almaq.
Shymkent qalasy ákimdiginiń baspasóz qyzmeti
