Täuelsızdıktıŋ 30 jylynda Qazaqstannyŋ qol jetkızgen barlyq jetıstıkterı men jeŋısterınıŋ negızınde halyqtyŋ yntymaq-bırlıgı jatqany talassyz. Etnosaralyq tatulyq pen konfessiiaaralyq kelısım, azamattardyŋ zaŋ aldyndaǧy teŋdıgı men toleranttylyq — qazaqstandyq qoǧamnyŋ eŋ qasterlı qūndylyqtary bolyp otyr. Osynau qūndylyqtardy qoǧamdyq sanaǧa ornyqtyra tüsıp, eldıŋ ışkı bırlıgı men saiasi tūraqtylyqty nyǧaita tüsude Elbasy Nūrsūltan Nazarbaevtyŋ bastamasymen qūrylǧan Qazaqstan halqy Assambleiasynyŋ maŋyzdy röl atqaryp kele jatqany belgılı.
Bügınde Şymkent qalalyq Qazaqstan halqy Assambleiasynyŋ qūramynda 17 etnomädeni bırlestık belsendı türde jūmys ısteude. Būl megapoliste barlyq etnos ökılderınıŋ ūlttyq erekşelıkterın, tılı men mädenietın saqtauyna barynşa jaǧdai jasalǧanyn körsetedı.
Soŋǧy jyldary QHA öz qyzmetınıŋ auqymyn keŋeitıp, mazmūnyn baiytyp kele jatqany belgılı. Endıgı jerde Assambleia tek mädeni ıs-şaralar ötkızumen şektelmei, Qazaqstan halqyn azamattyq negızdegı bırtūtas ūltqa ainaldyru, ūlttyq bırlıktı bekemdeu, jaŋa qazaqstandyq patriotizmdı nasihattau jäne qaiyrymdylyq ıs-şaralardy üilestıru sekıldı maŋyzdy funksiialardy atqaryp keledı. Ol üşın Şymkent qalalyq Qazaqstan halqy Assambleiasy janynan türlı qoǧamdyq negızdegı qūrylymdar, atap aitqanda, Qoǧamdyq kelısım keŋesı, Analar keŋesı jäne mediasiia keŋesı, «Jaŋǧyru joly» jastar qozǧalysy, ǧylymi-sarapşylyq top jäne jurnalister men blogerler kluby jūmys ısteude.
Jaqynda Assambleianyŋ jūmysyn jetıldıre tüsuge septıgın tigızetın taǧy da bır jaŋalyq boldy. Naqty aitar bolsaq, şahardaǧy «Qazaqstan halqy Assambleiasy» ǧimaraty Türkıstan oblysynan Şymkent qalasynyŋ qarauyna ötıp, «Qoǧamdyq kelısım» kommunaldyq memlekettık mekemesınıŋ teŋgerımıne berıldı. Aita keteiık, «Qoǧamdyq kelısım» mekemesı – QHA-nyŋ jūmysşy organy.
Köpşılıktıŋ esınde bolsa, būl ǧimaratty 2017 jylǧy 27 säuırde Şymkent qalasyna jasaǧan jūmys sapary aiasynda Elbasy N.Nazarbaevtyŋ özı aşqan bolatyn. Ǧimarattyŋ aldyndaǧy «Qazaq elıne myŋ alǧys!» monumentın sonau soǧys jäne deportasiia jyldarynda taǧdyrdyŋ aidauymen qazaq jerıne kelgen özge etnos ökılderın jatsynbai bauyryna basyp, qamqorlyq körsetken memleket qūrauşy qazaq halqyna alǧys retınde öŋırdegı etnos ökılderı ornatqan.
Aita keteiık, tört qabattan tūratyn ǧimarattyŋ jalpy kölemı 4 454 şarşy metrdı qūraidy. Onda jūmys kabinetterı, etnomädeni bırlestıkterdıŋ keŋselerı ornalasqan. Mūnda Assambleianyŋ tiımdı qyzmet atqaruyna qajettı jaqsy materialdyq-tehnikalyq baza bar. 800 oryndyq konsert zaly, zamanaui studiia, kiım bölmelerı, daiyndyq zaldar bar.
Sonymen qatar, qazır ǧimarattyŋ tömengı qabatynda türlı etnostardyŋ bi üiırmelerıne arnalǧan horeografiia zaly jäne hor üiırmesı, körkemönerpazdar ūiymy jäne tıl mektebıne arnalǧan kabinetter jasaqtaluda. Būl öz kezegınde etnostardyŋ tılı men mädenietın, salt-dästürlerı men ädet-ǧūryptaryn saqtauyna mümkındık beredı
Bügınde qaladaǧy äsem ǧimarattardyŋ qataryndaǧy «Qazaqstan halqy Assambleiasy» ǧimaraty qala tūrǧyndarynyŋ köz-quanyşyna ainalǧan deuge bolady. Qyzyǧuşylyq tanytqan kez kelgen azamat Dostyq üiıne kelıp, Assambleia qyzmetı, qala etnostarynyŋ mädenietı men salt-dästürlerı turaly mälımet aluyna bolady.
Jalpy, 2021 jyldyŋ 9 aiynda QHA sanitarlyq talaptardy saqtai otyryp 186 ıs-şara ötkızdı. Aldaǧy uaqytta Assambleia ǧimaratynda mazmūndy ärı mändı ıster köptep atqarylyp, būl ǧimarat Şymkent qalasyndaǧy türlı etnos ökılderı arasyndaǧy dialog alaŋyna jäne dostyqtyŋ altyn şaŋyraǧyna ainalady dep senemız.
Erbol BAIQONAQOV, Şymkent qalasynyŋ ışkı saiasat jäne jastar ısterı jönındegı basqarmasy «Qoǧamdyq kelısım» KMM-nıŋ basşysy.
