ASSAMBLEIa – DOSTYQTYŃ ALTYN ShAŃYRAǴY

1733
Adyrna.kz Telegram

Táýelsizdiktiń 30 jylynda Qazaqstannyń qol jetkizgen barlyq jetistikteri men jeńisteriniń negizinde halyqtyń yntymaq-birligi jatqany talassyz. Etnosaralyq tatýlyq pen konfessııaaralyq kelisim, azamattardyń zań aldyndaǵy teńdigi men toleranttylyq — qazaqstandyq qoǵamnyń eń qasterli qundylyqtary bolyp otyr. Osynaý qundylyqtardy qoǵamdyq sanaǵa ornyqtyra túsip, eldiń ishki birligi men saıası turaqtylyqty nyǵaıta túsýde Elbasy Nursultan Nazarbaevtyń bastamasymen qurylǵan Qazaqstan halqy Assambleıasynyń mańyzdy ról atqaryp kele jatqany belgili.

Búginde Shymkent qalalyq Qazaqstan halqy Assambleıasynyń quramynda 17 etnomádenı birlestik belsendi túrde jumys isteýde. Bul megapolıste barlyq etnos ókilderiniń ulttyq erekshelikterin, tili men mádenıetin saqtaýyna barynsha jaǵdaı jasalǵanyn kórsetedi.

Sońǵy jyldary QHA óz qyzmetiniń aýqymyn keńeıtip, mazmunyn baıytyp kele jatqany belgili. Endigi jerde Assambleıa tek mádenı is-sharalar ótkizýmen shektelmeı, Qazaqstan halqyn azamattyq negizdegi birtutas ultqa aınaldyrý, ulttyq birlikti bekemdeý, jańa qazaqstandyq patrıotızmdi nasıhattaý jáne qaıyrymdylyq is-sharalardy úılestirý sekildi mańyzdy fýnkııalardy atqaryp keledi. Ol úshin Shymkent qalalyq Qazaqstan halqy Assambleıasy janynan túrli qoǵamdyq negizdegi qurylymdar, atap aıtqanda, Qoǵamdyq kelisim keńesi, Analar keńesi jáne medıaııa keńesi, «Jańǵyrý joly» jastar qozǵalysy, ǵylymı-sarapshylyq top jáne jýrnalıster men blogerler klýby jumys isteýde.

Jaqynda Assambleıanyń jumysyn jetildire túsýge septigin tıgizetin taǵy da bir jańalyq boldy. Naqty aıtar bolsaq, shahardaǵy «Qazaqstan halqy Assambleıasy» ǵımaraty Túrkistan oblysynan Shymkent qalasynyń qaraýyna ótip, «Qoǵamdyq kelisim» kommýnaldyq memlekettik mekemesiniń teńgerimine berildi. Aıta keteıik, «Qoǵamdyq kelisim» mekemesi – QHA-nyń jumysshy organy.
Kópshiliktiń esinde bolsa, bul ǵımaratty 2017 jylǵy 27 sáýirde Shymkent qalasyna jasaǵan jumys sapary aıasynda Elbasy N.Nazarbaevtyń ózi ashqan bolatyn. Ǵımarattyń aldyndaǵy «Qazaq eline myń alǵys!» monýmentin sonaý soǵys jáne deportaııa jyldarynda taǵdyrdyń aıdaýymen qazaq jerine kelgen ózge etnos ókilderin jatsynbaı baýyryna basyp, qamqorlyq kórsetken memleket quraýshy qazaq halqyna alǵys retinde óńirdegi etnos ókilderi ornatqan.

Aıta keteıik, tórt qabattan turatyn ǵımarattyń jalpy kólemi 4 454 sharshy metrdi quraıdy. Onda jumys kabınetteri, etnomádenı birlestikterdiń keńseleri ornalasqan. Munda Assambleıanyń tıimdi qyzmet atqarýyna qajetti jaqsy materıaldyq-tehnıkalyq baza bar. 800 oryndyq konert zaly, zamanaýı stýdııa, kıim bólmeleri, daıyndyq zaldar bar.

Sonymen qatar, qazir ǵımarattyń tómengi qabatynda túrli etnostardyń bı úıirmelerine arnalǵan horeografııa zaly jáne hor úıirmesi, kórkemónerpazdar uıymy jáne til mektebine arnalǵan kabınetter jasaqtalýda. Bul óz kezeginde etnostardyń tili men mádenıetin, salt-dástúrleri men ádet-ǵuryptaryn saqtaýyna múmkindik beredi
Búginde qaladaǵy ásem ǵımarattardyń qataryndaǵy «Qazaqstan halqy Assambleıasy» ǵımaraty qala turǵyndarynyń kóz-qýanyshyna aınalǵan deýge bolady. Qyzyǵýshylyq tanytqan kez kelgen azamat Dostyq úıine kelip, Assambleıa qyzmeti, qala etnostarynyń mádenıeti men salt-dástúrleri týraly málimet alýyna bolady.

Jalpy, 2021 jyldyń 9 aıynda QHA sanıtarlyq talaptardy saqtaı otyryp 186 is-shara ótkizdi. Aldaǵy ýaqytta Assambleıa ǵımaratynda mazmundy ári mándi ister kóptep atqarylyp, bul ǵımarat Shymkent qalasyndaǵy túrli etnos ókilderi arasyndaǵy dıalog alańyna jáne dostyqtyń altyn shańyraǵyna aınalady dep senemiz.

Erbol BAIQONAQOV,
Shymkent qalasynyń ishki
saıasat jáne jastar isteri
jónindegi basqarmasy
«Qoǵamdyq kelisim»
KMM-niń basshysy.

Pikirler