QALANYŃ QURMETTI AZAMATTARYNA ARNALǴAN JINAQ JARYQ KÓRDI

1357
Adyrna.kz Telegram

"Ál-Farabı atyndaǵy qalalyq ǵylymı ámbebap kitaphanasynda" shahardyń Qurmetti azamattarynyń qatysýymen "Shymkent qalasynyń Qurmetti azamattary" jınaǵynyń tusaýkeseri ótti. Eńbek ardageri Sherim Medeýovpen birge saltanatty is-sharada jınaqtyń "qyzyl lentasyn" qıǵan qala ákiminiń birinshi orynbasary Shyńǵys Muqan shahar basshysy atynan Qurmetti azamattardy quttyqtap, kitaptyń keleshek urpaqqa mol mura bolyp qalatynyn sóz etti.

- Bıyl Táýelsizdigimizge 30 jyl tolyp otyr. Osy kezeń aıasynda elimiz ekonomıkalyq saıası kóptegen belesterdi baǵyndyrdy. Sonymen birge respýblıkalyq mártebege ıe bolǵan Shymkent derbes megapolıs retinde óziniń sara jolyn bastady. Osydan onyń tarıhyn, mádenıetin saralaıtyn ýaqyt kelip jetti. Kitaptyń jaryqqa shyǵýy da Táýelsizdik tusyndaǵy rýhanııatymyzdyń túgendele bastaýynyń bir belgisi. Jınaqqa 1967 jyldan búgingi kúnge deıin Qurmetti azamat ataǵyn alǵan kisiler endi. Elge, tipti respýblıkaǵa tanymal túrli sala boıynsha 145 qaıratkerdiń ómirbaıany jarııalandy. Qala rýhanııatyn baıytýǵa baǵyttalǵan ıgi qadamdar budan keıin de jalǵasyn tabady, - dedi Shyńǵys Jumabekuly.

Shymkent - Qazaqtannyń ońtústik qaqpasy. Megapolıstiń ósip-órkendeýine úlken úles qosqan eńbek ardagerleri. Qalanyń árbir kirpishi solardyń qolymen qalanǵanyn aıtqan ardager Erkin Satqanbaev Qurmetti azamattarǵa densaýlyq pen jemisti eńbek tiledi.

Talaı shákirt tárbıelep, qazaqtyń kók baıraǵyn bıikke kóterip júrgen tanymal tulǵa eldiń úzdik bapkeri Myrzaǵalı Aıtjanov ta óziniń júrekjardy lebizin jetkizdi.

Sondaı-aq onlaın arqyly baılanysqan qalamyzdyń Qurmetti azamattary belgili aqyn Muhtar Shahanov pen memleket qaıratkeri Amalbek Tshanov jınaqtyń jaryqqa shyǵýymen quttyqtap, Shymkettiń sharyqtap damýyna tilekterin bildirdi.

Al qazaqtyń aqyn qyzy Hanbıbi Esenqaraqyzy jyly lebizimen qosa qaladaǵy ardagerler alleıasyna baılanysty óz usynysyn jetkizdi.
Is-shara sońynda qalanyń Qurmetti azamattary barlyǵy birge estelikke sýretke tústi.

"Shymkent qalasynyń Qurmetti azamattary" jınaǵy 1 myń dana tırajben basylyp shyqty. Kitap megapolıstegi joǵary oqý oryndary men kitaphanalarǵa taratylady. Jınaq qalanyń damýyna eńbek sińirgen azamattar ómirinen syr shertetin naǵyz enıklopedııa. Ol bárinen buryn tarıhtan taǵylym alar erteńgi urpaq úshin qajet.

Ánýar JUMAShBAEV

Pikirler