Shymkentte 24 qarasha men 8 jeltoqsan aralyǵynda áleýmettik jelilerde jarııalanatyn jumystarǵa baıqaý jarııalandy. Bul týraly qalalyq jastar resýrstyq ortalyǵynda ótken baspasóz jıynynda «Báıterek» jastar uıymynyń joba úılestirýshisi Sabıra Baızahova málimdedi. El táýelsizdiginiń 30 jyldyǵyna oraı uıymdastyrylyp otyrǵan baıqaýǵa 14 pen 45 jastaǵy qala turǵyndary qatysa alady. Jalpy saıystyń júlde qory – 1 mln 500 myń teńge.
Jastar arasyndaǵy patrıottyq sezimdi kóterý jáne medıamádenıetke úıretý maqsatynda ótkizilgeli otyrǵan baıqaý jumystary úsh nomınaııa boıynsha sarapqa salynady.
– Baıqaý qatysýshylary 100 myń oqyrmannan kem bolmaıtyn áleýmettik jelilerde #Táýelsizdikke30jyl heshtegin paıdalana otyryp jazba, vaın, rolıkterin jarııalaıdy. Siltemesin uıymdastyrýshylar, ıaǵnı bizge joldaýlaryna bolady. 9 jeltoqsan komıssııa otyrysy ótedi. Ár saladan jınalǵan saparshylar úzdik jumystardy anyqtaýǵa kómektesedi. «Úzdik jazba», «úzdik vaın», «úzdik rolık» atalymdary boıynsha bas júlde men 1,2,3 oryn ıegerlerine baǵaly syılyqtar tabystalady, - dedi Sabıra Muratqyzy.
Baspasóz jıynynda ár atalymǵa jaýapty sala mamandary da qatysyp, jumystarǵa qoıylatyn talaptarǵa toqtaldy. Jýrnalıst, qalalyq «Rýhanı jańǵyrý» jobalyq keńsesiniń jetekshisi Záýre Oralbaeva áleýmettik jelilerde oqyrmandarǵa arnalǵan kontent jazýda medıamádenıettilik pen kıberbýllıng máselesine nazar aýdarý kerek ekenin atap ótti. Al belgili aktırsa, bloger-vaıner Aqerke Asqar vaın túsirýde tárbıelik máni bar taqyryptardy tańdańdaýǵa shaqyrdy.
Brıfıng barysynda sóz alǵan «Jaidarman Production» stýdııasynyń vıdeooperatory Muhıt Qarsaqbaev vıdekontent júrgizýde kamera, fotoapparat syndy qymbat tehnıkalarmen qatar gadjetterdiń kómegine júginý arqyly sapaly dúnıeler jasaýǵa bolatynyn aıtty. Sondaı-aq, úmitkerler smartfondarǵa arnalǵan tegin montaj baǵdarlamalarymen de jumys isteý sheberlikterin kórsete alatyndaryn jetkizdi.
Azamat JAPPAR,
Foto: Serik QOSAEV
