Úshinshi megapolıste QR Táýelsizdiginiń 30 jyldyǵyna arnalǵan is-sharalar aılyǵy bastaldy. Bul týraly búgin qala ákimdiginiń aqparattyq-kommýnıkaııa ortalyǵynda ótken baspasóz brıfınginde Shymkent qalasy ákiminiń birinshi orynbasary Shyńǵys Muqan málimdedi.
– El Táýelsizdiginiń 30 jyldyǵyna arnalǵan is-sharalar jyldyń basynan bastaldy. Ár aı belgili bir salaǵa arnaldy. Endi búginnen bastap "Juldyzdy 30 kún" jobasy bastalyp, 17 jeltoqsanǵa deıin jalǵasady. Qala ákimi Murat Dúısenbekuly bekitken jumys josparyna saı ótetin joba aıasynda 107 tarmaqtan turatyn is-shara uıymdastyrylady dep kútilýde. 17 jeltoqsanǵa deıingi ár kúnge jeke ataý berilgen. Mysaly, búgin – "Stýdentter kúni". Soǵan saı jastarǵa qatysty is-sharalar ótýde, – dedi Shyńǵys Jumabekuly.
Spıkerdiń aıtýynsha, joba 6 baǵytty qamtıdy. Olar – ulttyq qundylyqtardy damytý; bilimdi jastardy qoldaý; mádenıet salasyn damytý; kásipkerlik, týrızm jáne ıfrlandyrý; azamattardy áleýmettik qoldaý; merekege oraı ashylatyn túrli nysandar.
Osy baǵyttardyń árqaısysy boıynsha onnan astam is-shara uıymdastyrylady. Shyńǵys Jumabekuly is-sharalar qaladaǵy epıdemıologııalyq ahýalǵa qaraı, barlyq talapty saqtaı otyryp ótkiziletinin málimdedi.
Nýrlan Bektaev
FOTO: Serik Qosaev
