Bul baǵytta Shymkent qalasynda júıeli jumystar atqarylyp keledi. Sport sekııalaryn jan basyna qarjylandyrý jumystary júrgizilýde. Memlekettik sporttyq tapsyrys sheńberinde búginde 4 096 balany qamtýǵa 28 sport túrinen sekııalar ashýǵa 339,8 mln. tg qaraldy.
Sport mektepteriniń materıaldyq-tehnıkalyq bazasyn nyǵaıtý boıynsha sporttyq ınventar satyp alýǵa 448 mln. tg qarastyryldy.
Sporttyq ınfraqurylymdy damytý úshin qala aýmaǵynda turǵyn alaptar men shaǵyn aýdandarda 115 sport alańshasy salynýda.
Sonymen birge, osy jyly alǵash ret oqýshylar men stýdentter arasynda «Jastar lıgasy» sporttyq is-sharasy ótkizildi.
Eki dene shynyqtyrý-saýyqtyrý kesheniniń qurylysy júrgziledi jáne 2021-2025 jyldary sporttyq ınfraqurylymdy damytý maqsatynda 6 sport keshenin salý josparlanýda.
Jalpy qalada 890 sport nysandary bar bolsa, sportpen shuǵyldanýshylar sany 325 myń adam nemese 30,6 paıyzdy qurap otyr. Bul kórsetkishti aldaǵy ýaqytta 35 paıyzǵa jetkizý kózdelýde.
