Sararqanyń kindigi Jańaarqa óńiri ónerdiń týyn tikken kıeli orda. Tym árige barmaı-aq án-kúı óneriniń sharyqtaǵan, samǵaǵan, órkendegen kezeńiń eske alsaq, kóz aldymyzǵa Saıdaly Sary Toqa babamyzdyń dáýiri keledi. Saıdaly - Tuńǵatar rýlary «qoıylary qoralas, qozylary aralasa» qatar júrgen Aqtaý, Ortaý, Qyzyltaýlardan bastaý alǵan kósh kerýeni Imanaq, Eskenege aıaldap «Jaıylmaǵa» qońsy qonyp jaılap jatqan shýaqty kúnder jylymyǵy áli de úzilmeı óner áleminde Toqadan taraǵan «Suńqar Sáken», «Maıda Qasym», odan órbigen Pazyl Tutqabekovter bolyp bizge jetti. Ónerde úzilmeı kele jatqan osy bir sabaqtastyqty búgingi kúnge jetkizip otyrǵan Ǵalym Muhamedın «Eskene» aýylynda týǵan, jastardyń respýblıkalyq «Jiger» festıvaliniń laýreaty, respýblıkalyq Ámire Qashaýbaev atyndaǵy baıqaýdyń júldegeri, QR eńbek sińirgen ártisi.
Almatydaǵy Respýblıkalyq estrada óneri stýdııasyn qazaq ániniń «Surjekeıi» atanǵan Júsipbek Elebekovtyń synybynda dúldúl ánshi Qaırat Baıbosynovpen úzengiles bitirgen, halyq kompozıtorlary Birjannyń, Jaıaý Musanyń, Aqan seriniń, Úkili Ybyraıdyń t.b. ánderin naıhattaýshy. Ǵalymnyń ásirese, Taıjan Qalmaǵanbetulynyń shyǵarmalaryn zerttep izdep taýyp, jaryqqa shyǵaryp (2013 j.Taıjannyń «Altyn kese» ánder jınaǵyn shyǵarǵan), ómirge qaıta ákelýiniń ózi ánshiniń tek qana oryndaýshy emes óner joqtaýshysy ekendigin de baıqatady. Áý basta Ǵalymǵa jol nusqap Bas ustaz bolǵan týǵan aǵasy Qaraqoıshy (Sembi) Muhamedınniń daýysynyń bir ereksheligi syrbaz ánshi Mádenıet Eshekeevti kóz aldyńyzǵa ákelse al, Ǵalym týraly ómirdegi de hám ónerdegi dosy Qaırat Baıbosynov «Ǵalymnyń ánshiligi boıyna týǵan jerdiń tabıǵaty men nári sińgen, keshegi Igilik aǵamyzdyń salǵan izimen eshkimge eliktep solyqtamaıtyn ózgege uqsamaıtyn ózindik órnegi bar, qýatty barıton daýys» dep baǵa bergen eken.Jaqynda Ǵalym Muhamedınniń ántabaǵy jaryqqa shyqqaly jatyr. Myna arnaıy shyǵarylyp otyrǵan án tabaǵy tek qana Ǵalymnyń ánshilik ónerine ǵana emes osy dıskide qamtylǵan, armanda ketken arystarymyz ben osy jobany qoldap, qolǵa alǵan azamattar úshin de máńgilik estelik. Ónerimiz órkendep órleı bersin.
Dáýren Eskekbaev.
Almaty menedjment ýnıversıtetiniń
bas ǵylymı qyzmetkeri,
tarıh ǵylymdarynyń kandıdaty.
