El Táýelsizdiginiń 30 jyldyǵy qarsańynda Shymkent qalasynyń ortalyqtandyrylǵan kópshilik kitaphanalar júıesiniń №2 jáne №5 kitaphana bólimsheleri jańǵyrtylyp, búgin oqyrmandaryna esigin aıqara ashty. Jańǵyrtylǵan bólimsheler belgili bir taqyrypqa baǵyttalǵan. Máselen, №2 bólimshe mádenıet, óner salasyna arnalsa, №5 bólimshe Abaı shyǵarmashylyǵyn negizge alǵan.
Saltanatty sharaǵa Shymkent qalasy ákiminiń birinshi orynbasary Sh.Muqan, Shymkent qalalyq máslıhatynyń hatshysy B.Narymbetov, «Aýyl» soıal-demokratııalyq parııasy Shymkent qalalyq fılıalynyń tóraǵasy Q. Dosalıev, kompozıtor Sh. Qaldaıaqovtyń qaryndasy Raıhan Qaldaıaqova, Shymkent qalasynyń mádenıet, tilderdi damytý jáne arhıvter basqarmasynyń basshysy H. Esenova jáne qalalyq máslıhattyń depýtattary qatysty. Jıynǵa kelýshiler qazaq valsiniń koroli Sh.Qaldaıaqovtyń eskertkishine gúl shoqtaryn qoıyp, kitaphanany aralady.
— Ótken jyly qala ákimi M.Áıtenov Sh.Qaldaıaqovtyń 90 jyldyǵynda eskertkishke gúl shoqtaryn qoıyp, kitaphanany aralaǵan edi. Kitap qory baı bolsa da, tozyǵy jetken ǵımaratty kórip, jańǵyrtý jumystaryn júrgizýdi tapsyrdy. Mine, memlekettiń qoldaýymen, el Táýelsizdiginiń 30 jyldyǵy qarsańynda kitaphana jumysy jandanyp, jańǵyrtylyp otyr. Endi oqyrman kóbeısin dep tileımiz,- dedi Sh.Muqan.
Bul nysandar «otbasylyq kitaphana» konepııasy boıynsha zamanaýı úlgide jańǵyrtylǵan. Kitaphananyń oqý zalyndaǵy kitaptar «Jańa toptama», «Óner álemine saıahat», «Oqýǵa tıis 10 kitap», «Uly esimder» degen birneshe taqyryp aıasynda toptastyrylǵan. Sondaı-aq, kórkem ádebıet bóliminde álem ádebıeti men qazaq ádebıetiniń klassıkteriniń týyndylary toptastyrylsa, 10 myńǵa jýyq sırek kitap Altyn qorǵa qoıylǵan.
Shymkent qalalyq ortalyqtandyrylǵan kópshilik kitaphanalar júıesiniń dırektory N.Jumanovanyń aıtýynsha, kitaphananyń kitap qory 27 myńǵa jýyq. Endi bul tek kitap oqylatyn jer emes, sonymen qatar qoǵamdyq orynǵa aınalmaq. Munda turǵyndardyń otbasymen birge kelip, ýaqytyn tıimdi ótkizýine de barlyq múmkindik jasalǵan.
Zamıra Aldabergenova
Foto: Serik QOSAEV
