Shymkenttegi qalalyq №1 klınıkalyq aýrýhanasynda Táýelsizdik mekeresi qarsańynda AQSh-tan ákelingen kompıýterlik tomografııa qurylǵysy iske qosyldy.
Em-dom kórsetý mekemesinde ashylǵan kompıýterlik tomografııa kabınetimen tanysqan shahardyń bas dárigeri Baqytjan Pozılov apparat ınsýlt alǵan naýqastyń dıagnozyn der kezinde anyqtaýǵa múmkindik beretinin jetkizdi.
– Bul jeke ınvestordyń esebinen alynǵan qurylǵy. Qaladaǵy medıınalyq ortalyqtarda 21 kompıýterlik tomografııa bolǵan. Kóbi jekemenshik medortalyqtarda ornalasqan. Al jańa apparat sońǵy úlgidegi tehnologııamen jabdyqtalǵan. Qalalyq №1 klınıkalyq aýrýhanasyna táýligine ortasha eseppen 200-ge jýyq naýqas túsedi. Keıde jedel medıınalyq kómekke júgingen naýqastarǵa zertteý júrgizýde atalǵan qurylǵynyń paıdasy zor. Ásirese, ıshemııalyq ınsýlt alǵan naýqastyń dıagnozyn der kezinde anyqtaýǵa septigin tıgizedi. El Táýelsizdiginiń 30 jyldyq merekesinde osyndaı qurylǵy el ıgiligine berilip otyr. Aýrýhanaǵa kelgen naýqastar kompıýterlik tomografııaǵa tegin túsiriledi, - dedi Baqytjan Joldasbekuly.
Jalpy, kompıýterlik tomografııa aǵzanyń barlyq músheleri men júıelerine zertteý júrgizýge múmkindik beredi. Qarama-qarsy tústerdi qoldanyp, baǵdarlamanyń arnaıy paketterin qosý arqyly júrek qan tamyrlarynyń zaqymdaný deńgeıin baıqaýǵa, súıek tinderiniń mıneraldy tyǵyzdyǵyn anyqtaýǵa jaǵdaı jasaıdy.
Azamat JAPPAR,
Foto Serik QOSAEV
