Almaty qalasy ákimdigi málimetinshe, qalada alapat jer silkinisi bolǵan jaǵdaıda 385 myńǵa jýyq adam qaza bolýy múmkin, barlyq ǵımarattyń 30 paıyzy qıraıdy. Bul týraly ákimniń orynbasary Serik Qusaıynov málimdedi, dep habarlaıdy "Adyrna" ulttyq portaly Tengrinews.kz-ke silteme jasap.
Májiliste ótken Úkimet saǵatynda depýtat Dúısenbaı Turǵanov Almatydaǵy jer silkinisi qaýpi týraly máseleni kóterdi.
- Mamandardyń baǵalaýynsha, Almatyda seısmologtar únemi eskertetin joıqyn jer silkinisi bolǵan jaǵdaıda orny tolmas shyǵyn shamamen 400 myń adamǵa jetedi, ǵımarattardyń 60 paıyzyna deıin qıraıdy, al tikeleı shyǵyn shamamen 200 mıllıard teńge bolady, - dedi májilismen.
Serik Qusaıynov depýtat pikirimen kelisip, boljamdy naqtylady.
- Jıi jer silkinisi jaǵdaıynda ǵımarattardyń turaqtylyǵyn taldaýdyń eseptik derekterin zerdeleı kele, Almatyda 7-8 baldyq kúshti dúmpý bolsa, barlyq ǵımarattyń shamamen, 30 paıyzy qıraýy múmkin. Halyqtyń jalpy shyǵyny 370 myńnan 385 myń adamǵa deıin bolady, aqshalaı shyǵyn 2 trıllıon 479 mıllıard teńgege jetýi múmkin, - dedi Qusaıynov.
Tótenshe jaǵdaılar mınıstri Iýrıı Ilın boljam jasaýdyń ártúrli ádisi bar ekenin atap ótti.
- Eger KSRO ádistemesin alatyn bolsaq, onda bul kórsetkishter shamamen birdeı bolýy múmkin. Oqyǵan mamandardyń, sonyń ishinde Almatynyń, Jaıyqtyń ókilderiniń ádistemesin alsaq, olar kórsetkishti birneshe ese tómendetedi. Demek, bul daýly másele, - dedi ol.
Dúısenbaı Turǵanov "Qazaqstannyń seısmıkalyq qaýipsizdigin qamtamasyz etý jónindegi 2018-2020 jyldarǵa arnalǵan jumystardyń tıimdiligin arttyrý jónindegi is-sharalar kesheni" Jol kartasyna sáıkes 36 tarmaqtyń 18-i ǵana oryndalǵanyn aıtty.
- Qarjy tapshylyǵyna baılanysty seısmıkalyq tózimdilik baǵdarlamasy tolyq oryndalmady, qarjy resýrstarynyń jetkiliksizdiginen kóp baǵdarlama qysqartyldy. Pandemııa bizden kóp qarajatty, sonyń ishinde tótenshe jaǵdaılardyń aldyn alý máselelerine de bólindi. Ákimdiktiń ózi qarjy bóldi. Almatydaǵy barlyq nysandy pasporttaý júrgizildi. Málimetter bazasy Sáýlet jáne qurylys baqylaý basqarmasynda ornalasqan jáne jobany odan ary júzege asyrýda paıdalanylady, - dedi Iýrıı Ilın.
"Adyrna" ulttyq portaly
