Belgili jýrnalıst ári qoǵam belsendisi Sáýle Ábildahanqyzy el úkimetiniń 30 jylda jasaǵan qatelikterin ashyp berdi. Jýrnalıstiń aıtýynsha, shendiler osy aralyqta halyqqa esh paıdasy joq ispen aınalysyp, qastandyqpen bara-bar dúnıeler jasaǵan, dep habarlaıdy "Adyrna" ulttyq portaly.
30 jylǵa - 30 qastandyq!
30 jyldaǵa usaq-túıek "jetistikterińdi" aıtyńdar, jaraıdy delik. (Keremet jetistikteriń joq, ony ózderiń de, halyq ta biledi...) "30 jylda mynadaı úlken qatelikter jiberdik, bul bizge bolashaqta sabaq bolýy tıis..." dep moıyndasańdar, sol áldeqaıda artyq bolar edi-aý... biraq oǵan dótenderiń men ótirik keýdeleriń shydamaıdy ǵoı...
30 jylda sender jasaǵan keshirilmes qateler:
1. Búkil jerasty/jerústi baılyqty shetelge shıkizat qyp satýdy ǵana bildińder!
2. Barlyq salany OPG aınaldyryp, jemqor da qylmysker júıeni qurdyńdar!
3. Jerdi sheteldikterge sattyńdar! Ýrbanızaııa dep, aýyldardy joq qyldyńdar!
4. Jekeshelendirýdi ózderiń úshin jasadyńdar, prıhvatızaııalaý júıesin qurdyńdar, sol arqyly búkil jerasty/jerústi baılyqty da, jerdi de, taýdy da, tasty da, ózen-kóldi de, zaýyt-fabrıkany da, úıler men ǵımarattardy da ózderiń bólip aldyńdar. Al bir úıin jekeshelendire almaı, saýsaǵyn soryp qalǵan halyq qanshama!.
5. Jumyssyzdyqty ulǵaıttyńdar!
6. Jastar saıasaty, ulttyq ıdeologııa, demografııa nól boldy!
7. "Bankterdi saýyqtyramyz" dep jylda óz bankterińe qazynadan trıllıondap qarjy bólip, qaltalaryńa bastyńdar! Sol qarjy halyqtyń osal toptarynyń nesıesin jabýy tıis edi. Sonda banktiń de esebi túgel bolar edi, "saýyǵar" edi, halyqtyń da moınyndaǵy qamyty jeńilder edi! Senderdiń jekemenshik bankteriń qazynany bir soryp, halyqty eki soryp, memleketti de sorlatty, halyqty da qańǵytty!
8. EKSPO, LRT, túkke alǵysyz forýmdar men jıyndarǵa mıllıardtardy shashtyńdar!!!
9. Teńgeni qunsyzdandyrdyńdar!
10. Baǵany retteı almadyńdar, devalvaııany jyl saıyn betimen jiberdińder!
11. Ekonomıkalyq damý degen - shıkizat satý emes, ónim óndirý ekenin uqpadyńdar!
12. Óndirilgen sapaly ónimmen aldymen óz halqyńdy qamtamasyz etip, tek halqyńnan artylǵanyn shetelge eksporttaýdy oılamadyńdar! Azyn-aýlaq sapaly ónim bolsa, ony tek eksport úshin óndirip, al halyqqa 2-3 sortty sapasyz ónimdi qymbat baǵamen sattyńdar!
13. Egin egerde, jıyn-terin maýsymynda dıqandardy ádeıi janarmaı-jaǵarmaıdan qystyńdar. Qoldan defııt uıymdastyrdyńdar!
14. "Aldymen ekonomıka, sosyn saıasat" dep, ekonomıkany saýdagerlikpen, ózge elge táýeldilikti - saıasatpen shatastyrdyńdar!
15. Halyqtyń sózin sóılegenderdi jaý kórdińder de, óltirdińder!
16. Altynbek Sársenbaevtyń, Zamanbek Nurqadilovtiń ólimi - senderdiń eń úlken saıası qatelikteriń!
17. Dýlat Aǵadildiń, onyń órimdeı balasynyń ólimi, Aron Atabektiń ólimi - senderdiń saıası qatelikteriń!
18. Qoǵamdyq belsendilerdi jappaı qýdalaý, túrmege jabý - senderdiń saıası qatelikteriń!
19. Jańaózen - senderdiń saıası qatelikteriń!
20. Barlyq saılaýdaǵy falsıfıkaııa - senderdiń saıası qatelikteriń, álsizdikteriń!
21. Áleýmettik osal toptardyń nesibesin urlap jep, olardy 30 myń járdemaqyǵa baılap qoıý - senderdiń saıası-áleýmettik qatelikteriń!
22. Kópbalaly analarǵa "eki sıyr al da kúnińdi kór" deý - senderdiń biliksizdikteriń!
23. Demografııalyq ahýaldy kóterýge qulyqsyzdyqtaryń - saıası qatelikteriń!
24. Kópbalaly otbasylardy, jas otbasylardy, áleýmettik osal toptardy tegin baspanamen qamtamasyz ete almaǵandaryń - senderdiń qatelikteriń!
25. Elıtalyq úılerdi qaptatyp, baılarǵa 10-100 úı alýyna múmkindik jasap, kedeılerdiń baspanasyz bosyp júrýi - senderdiń qatelikteriń!
26. Nebári 18 mln halyqty jumyspen qamtamasyz ete almaý - senderdiń qatelikteriń!
27. Bilim salasynyń quldyrap, bilimsizder men saýatsyzdardyń, biliksiz kadrlardyń kóbeıýi - senderdiń qatelikteriń!
28. 1 synyp oqýshysynyń sómkesiniń salmaǵy 7-10 kg bolýy - senderdiń bolashaqqa qastandyqtaryń!
29. Jastardyń baǵyt-baǵdarsyz, ıdeıasyz, memleketshildik, otansúıgishtik, ultsúıgishtik sezimsiz (rýhanı qundylyqsyz, ultshyldyq, memleketshildik turǵyda arman-maqsatsyz) sansyrap qalýy, bilimdilerdiń shet elderge kóshýi - senderdiń qatelikteriń!
30. Bir ǵana "resmı til" degen zańdaryńmen memlekettik tildi - qazaq tilin óltirdińder! Sol arqyly qazaqtyń rýhyn óltirdińder!
Qazaqtyń janyn deformaııaǵa ushyrattyńdar! Bul senderdiń keshirilmeıtin eń úlken qatelikteriń!
"Osymen toqtaıyn. Áıtpese 30 jyldyqta jasaǵan qatelikteriń, qastandyqtaryń 30-dan kóp, tipti 100-den asyp ketedi eken... Al sender bir-bir qatyrma qaǵaz ben sývenır berip aldaǵandaryna, aldanǵandaryńa mázsińder...", - dep jazdy Sáýle Ábildahanqyzy óziniń facebook paraqshasynda.
"Adyrna" ulttyq portaly
