Düniejüzılık densaulyq saqtau ūiymynyŋ bas direktory Tedros Gebreiesus qazaqtyŋ belgılı aqyny, aitys janaşyry Jürsın Ermandy mereitoiymen qūttyqtap, bır auyz öleŋın jatqa oqydy, dep habarlaidy "Adyrna" ūlttyq portaly QazAqparatqa sılteme jasap.
Düniejüzılık densaulyq saqtau ūiymynyŋ basşysy Tedros Gebreiesus Facebook -tegı paraqşasynda erekşe jazba jariialady.«Congratulations Zhursin Yerman Kuda! Qūtty bolsyn, Jürsın Erman Qūda!» dep bastalatyn jazbanyŋ astynda qazaqi şapan men börık kigen DDSŪ basşysynyŋ Jürsın Ermandy mereitoiymen qazaq tılınde qūttyqtaǧan videosy salynǧan.
- Qūrmettı Jürsın qūda! Mereitoiyŋyz qūtty bolsyn! Densaulyǧyŋyz zor bolsyn! Ömır ūzaq bolsyn! Qūdalyǧymyz mäŋgılık bolsyn! Arbasa näpsı-ybylys, Alaŋdai berem ūlyp ış. Köŋılge nege syimaisyŋ Közıme syiǧan qūbylys?!, - deidı Tedros Gebreiesus.Düniejüzılık densaulyq ūiymy basşysynyŋ Jürsın Ermanǧa «Qūrmettı qūda» dep qaiyryluynyŋ sebebın bılu üşın biyl 70-ke tolǧan aqynnyŋ özıne habarlastyq.
- Menıŋ bır jienım Tedros Gebreiesustıŋ ūlyna tūrmysqa şyqqan. Özım jien qyzym deimın, kışı qyzymnyŋ qyzy ǧoi endı. Qazır ol jienım Jenevada tūrady. Tedros Gebreiesuske menıŋ öleŋımdı jattatqyzyp, qazaqşa üiretıp jürgen sol jien qyzym ǧoi, - dep qysqa qaiyrdy Jürsın Erman.Aita keteiık, Tedros Gebreiesus Düniejüzılık Densaulyq saqtau ūiymynyŋ bas direktory qyzmetıne 2017 jyly kırısken bolatyn. Al 2012-2016 jyldary Efiopiianyŋ Densaulyq saqtau ministrı retınde qyzmet etken.
"Adyrna" ūlttyq portaly
