“Mamandar joq”. Qūrylǧan instituttyŋ jūmysy jürmei tūr

Üş jyl būryn Qazaqstan Prezidentı Qasym-Jomart Toqaev tapsyrǧan Kaspii teŋızın zertteitın ǧylymi institut qaşan qūrylady? Būl turaly Su resurstary jäne irrigasiia ministrlıgınen sūrap bıldık. 2022 jyldyŋ qaraşa aiynda Memleket basşysy Qazaqstanda Kaspii teŋızın zertteitın ǧylymi institut qūrudy ūsynǧan bolatyn. Ükımet 2024 jyldyŋ qaŋtarynda osy jobany resmi türde maqūldady, bıraq institut älı jūmysyn bastaǧan joq. Su resurstary jäne irrigasiia ministrlıgıne “Adyrna” ūlttyq portaly saual joldady. Ministrlıktıŋ mälımetınşe, institut qūrylyp qoiǧan. “Memleket basşysynyŋ 2022 jylǧy 7 qaraşadaǧy tapsyrmasyn oryndau maqsatynda Qazaqstan Respublikasy Ükımetınıŋ 2024 jylǧy 25 qaŋtardaǧy No36 qaulysyna säikes «Kaspii teŋızınıŋ Qazaq ǧylymi-zertteu instituty» kommersiialyq emes aksionerlık qoǧamy qūryldy. İnstitut qyzmetınıŋ negızgı baǧyttary Kaspii teŋızınıŋ tabiǧi resurstaryn saqtau jäne molaitu maqsatynda Kaspii teŋızınıŋ qazaqstandyq sektorynda ekologiialyq monitoring pen ǧylymi-zertteu jūmystaryn jürgızuge, Kaspii maŋy memleketterınıŋ ǧylymi-zertteu instituttary men ūiymdary arasyndaǧy yntymaqtastyqty nyǧaituǧa baǧyttalǧan. Qazaqstan Respublikasy Ūlttyq ekonomika ministrlıgı İnstituttyŋ basqaru jönındegı qyzmettı jüzege asyru boiynşa funksionaldyq taldau jürgızdı jäne osy taldauǧa säikes İnstitutty ekologiia jäne tabiǧi resurstar ministrlıgınıŋ qaramaǧyna berudıŋ oryndylyǧy turaly qorytyndy jıberdı. Osyǧan bailanysty «Qazaqstan Respublikasy Ükımetınıŋ keibır şeşımderıne özgerıster men tolyqtyrular engızu turaly» Qazaqstan Respublikasy Ükımetınıŋ 2024 jylǧy 6 jeltoqsandaǧy No1031 qaulysymen İnstitut ekologiia jäne tabiǧi resurstar ministrlıgınıŋ qaramaǧyna berıldı”, - dep habarlady ministrlık. Al Maŋǧystau oblysynyŋ ekologiia departamentı 2024 jyly institutqa arnap, qaladan ǧimarat berılgenın, alaida oǧan bılıktı ǧalym-mamandar jetıspeitının mälımdedı. Aita keteiık, Kaspiidı zertteitın ǧylymi institut teŋızge şekarala bes memlekettıŋ törteuınde bar. Tek Qazaqstanda joq.