FlyArystan äue kompaniiasynyŋ 7056 Astana–Almaty kommersiialyq reisınde ūşuǧa daiyndyq barysynda äue kemesınıŋ kabinasyna azamattyq kiımdegı ekı äieldıŋ erkın kırıp, ūşqyştarmen söilesıp otyrǧany turaly aqparat tarady. Oqiǧa jolauşylardyŋ köz aldynda oryn alǧan. Būl turaly Mäjılıs deputaty Mūrat Äbenov Facebook paraqşasynda jazdy, dep habarlaidy “Adyrna”.
Äue qauıpsızdıgı normalaryna säikes, ūşqyştar kabinasy qataŋ türde sterildı aimaq bolyp sanalady. Būl aimaqqa tek äue kemesı komandirınıŋ rūqsatymen bortserıkter ǧana kıre alady. Böten adamdardyŋ kıruı – halyqaralyq jäne ūlttyq talaptardyŋ öreskel būzyluy.
Oqiǧaǧa kuä bolǧan jolauşy, Mäjılıs deputaty Mūrat Äbenov mäsele boiynşa Azamattyq aviasiia komitetınıŋ töraiymy Saltanat Tompievaǧa tıkelei habarlasyp, tiıstı organdardyŋ şūǧyl äreket etuın sūraǧanyn mälımdedı.
Deputat sondai-aq, QR Bas prokuraturasyn, Kölıktegı polisiia departamentın, QR Işkı ıster ministrlıgın ūşaq Almaty qalasyna qonǧannan keiın tekseru jürgızuge jäne zaŋǧa säikes eŋ qataŋ şaralar qoldanuǧa şaqyrdy.
Fly Arystan kompaniiasy oqiǧaǧa qatysty resmi tüsınıkteme berdı.
«Reiste ekipaj kabinasynda bolǧan ekı adam — kompaniianyŋ öz qyzmetkerlerı. Olardyŋ kabinada boluy äue kemesınıŋ komandirımen tolyq kelısılgen jäne qoldanystaǧy tärtıpke säikes jüzege asyrylǧan.
Kompaniianyŋ mälımetınşe, qyzmetkerler barlyq mındettı oqu-jattyǧulardan ötken, olardyŋ qolynda jaramdy rūqsattar men qyzmettık kuälıkter bolǧan. Kuälıkter körınetın jerde ornalastyrylyp, olardyŋ märtebesın, ökılettıgın jäne äue kemesınde bolu qūqyǧyn rastaidy.
Äue kompaniiasy qyzmetkerlerdıŋ kabinada ornalasuy barlyq talaptarǧa sai jürgızılgenın atap öttı. Būl äreket aviasiialyq qauıpsızdık normalaryn, ışkı reglamentterdı nemese personaldyŋ kıru standarttaryn eşqandai būzbaǧan
Al Azamattyq aviasiia komitetı atalǧan faktı boiynşa tekserıs jürgızıletının aitty.
“Qūrmettı Mūrat Abdulamitūly! Habaryŋyz üşın alǧys bıldıremız. Atalǧan faktı boiynşa tekseru jürgızıledı jäne eger aviasiialyq qauıpsızdık talaptarynyŋ būzylǧany rastalsa, jauapty tūlǧalarǧa tiıstı şaralar qoldanylady”, - delıngen habarlamada.
