Basty bet
Jaŋalyqtar
Almatyda joiqyn ört saldarynan 34 adam baspanasyz qaldy (VİDEO)

Almatyda joiqyn ört saldarynan 34 adam baspanasyz qaldy (VİDEO)

02.12.2021

5526

https://adyrna.kz/content/uploads/2021/12/72e756b4-3d5a-4352-8869-19f91e336648-960x500.jpeg?token=80160128d3adb15ac95d9c6409ad17aa

Almaty oblysy, Talǧar audanyndaǧy Töŋkerıs auylynda bolǧan örtten 34 adam baspanasyn tastap, tuystarynyŋ üiın panalauǧa mäjbür. Barak tiptı üide 8 päter bolǧan. Abyroi bolǧanda tūrǧyndar dın aman, der kezınde dalaǧa şyǧyp ülgerıptı, dep habarlaidy "Adyrna" ūlttyq portaly Express Qazaqstan saityna sılteme jasap.

Audandyq äkımdıŋtıŋ Instagram-daǧy paraqşasynda örtengen üide 34 adam tūratyny jazyldy. Qamystan qūrylǧan barak tiptı baspanada 8 päter bolǧan.

Üide barlyǧy 34 adam tūrady. Onyŋ 16-sy bala. Örtengen 6 päterde barlyǧy 30 adam tūrǧan, onyŋ 15-ı bala. Üi 1952 jyly qamystan salynǧan. Üiı örtengen otbasylarǧa memleket esebınen kömek beru mäselesı qaralady,
— delıngen jazbada.

Oblystyq tötenşe jaǧdailar departamentındegıler otty söndıruge öŋırdegı üş audannyŋ ört söndıruşılerı jūmyldyrylǧanyn aitty.

"Örttıŋ şyǧuyna ışkı elektr symdarynyŋ qysqa tūiyqtaluy sebep boldy. Oqiǧa ornyna Taldyqorǧan qalasynan ört synaq zerthanasy jıberıldı. Otty söndıruge Talǧar, Eŋbekşıqazaq, Ile audanynan 13 ört söndıruşı, 5 bırlık tehnika jūmyldyryldy. Ört kezınde ışınara opyrylyp qūlauymen 8 päterlık barak ülgısındegı 1 qabatty tūrǧyn üidıŋ şatyry janǧany anyqtaldy", — dedı oblystyq TJD baspasöz qyzmetı.

Qazırgı uaqytta örtengen üidı qalpyna keltıru jūmystary jürgızılıp jatyr. Jergılıktı äkımdık tuystaryn panalaǧan tūrǧyndardan ötınış tüsse uaqytşa päterge ornalastyru jaǧyn qarastyramyz dep otyr.

https://www.youtube.com/watch?v=ohPsGs1Eigg
"Adyrna" ūlttyq portaly