Elordanyŋ sol jaǧalauynda ornalasqan tūrǧyn üi keşenderı jaqynda boi köterdı. Tūrǧyndarǧa päterler bedelge, sapaǧa, yŋǧailylyqqa jäne damyǧan infraqūrylymǧa süiene otyryp, jailylyq klasyndaǧy baǧamen satylǧan. Bıraq qonys toiyn toilaǧan boida, jailylyqty ūmytqan körınedı. Sebebı, auada aǧyndy sudyŋ tūnşyqtyratyn iısı bar. Būl turaly KTK telearnasy jariialady, dep habarlaidy “Adyrna” tılşısı.
İıstıŋ ötkır ekenı sonşa, adamdar öz päterlerın jauyp alsa da, odan qūtyla almaidy. Ol jel men jaŋbyr kezınde küşeiedı eken.
«Bız qoǧamdyq därethanada ömır süretındeimız. Keşırıŋız, bıraq solai. Būl tūraqty iıs. Bırınşıden, būl densaulyqqa ziian. Auada kükırt konsentrasiiasynyŋ joǧarylauy baiqalady. Bız tıptı SES-ke telefon şaldyq, ölşeuler jürgızdık, būl ölşemder kükırttıŋ öte joǧary deŋgeiın körsettı”, - dedı tūrǧyn Ädılet Esbergenov
Qarausyz qalǧan kärız toraby ömırge ülken qauıp töndıredı. Adam qaldyqtarymen su basqan on metrlık jer asty su qoimasy kez kelgen sätte qūlap, ornynda ülken şūŋqyr qaldyruy mümkın. Adamdardyŋ qorqatyny osy. Olar äkımdıkke bırneşe ret ūjymdyq hat jazǧanymen, şeneunıkter şara qoldanuǧa asyqpaidy.
«Jobalyq-smetalyq qūjattamany äzırleuge qarjy sūralatyn bolady. Osydan keiın ony äzırleuge konkurs ötkızıledı. Memlekettık saraptamanyŋ qorytyndysyn alǧan boida osy kärızdık sorǧy stansiiasyn köşıru üşın qūrylys-montaj jūmystaryn jürgızemız», - dedı dep habarlady Astana qalasy Otyn-energetika keşenı jäne kommunaldyq şaruaşylyq basqarmasynyŋ basşysy Änuarbek İsenaliev.
Şeneunıkterdıŋ sözıne sensek, tyǧyryqtan ıs köktemge qarai jyljuy kerek. Qauıptı qūrylysty joiu operasiiasy kelesı jyldyŋ soŋyna deiın aiaqtalady dep kütılude.
