Premer-mınıstr Álıhan Smaıylov óz múmkindikterine senbeıtin mınıstrlerge ornyn bosatyp berýdi usyndy. Bul týraly ol úkimet otyrysynda aıtty, dep habarlaıdy “Adyrna” ulttyq portaly.
"Premer-mınıstr retinde men Prezıdent júktegen tapsyrmalardyń oryndalyp, nátıjeli sheshilýi úshin bárin jasaımyn. Ár qazaqstandyq jumystyń nátıjesin sezinýi úshin mundaǵy úkimettiń ár múshesi tıimdi jumys isteıdi dep kútiledi. Qoıylatyn talaptar óte joǵary. Óz qabiletterine senimdi emes jáne sheshim qabyldaı almaıtyndar qazirden oryndy bosata berseńizder bolady. Biz halyqty qoldaıtyn, batyl sheshim qabyldap, onyń jaýapkershiligin kótere alatyndarmen ǵana jumysty jalǵastyramyz", - dedi Smaıylov úkimet otyrysynda.
