Qoǵam men ǵylymnyń damýyna óz úlesin qosqan áıelder jaıly «Ǵylymdaǵy áıelder. Álemdi ózgerken 50 ǵalym-áıel» kitaby qazaq tilinde jaryq kórdi. Álemdik bestsellerlerdi «Mazmundama» qoǵamdyq qory «YPO Kazakhstan» tóraıymy Gaýhar Qapparovanyń demeýimen basyp shyǵardy.
Belgili dızaıner Reıchel Ignatovskıdiń kórkem ıllıýstraııalanǵan kitabynyń keıipkerleri – matematıka, kosmonavtıka, medıına, hımııa, fızıka jáne t.b. ǵylym salalarynda adamzattyń ortaq murasyna aınalǵan jańalyqtar ashqan, ǵylym jolynda ómirin, densaýlyǵyn qurban etken, kedergilermen kúresken ǵalym-áıelder. Olardyń eńbekteri bolashaq ınjener, bıolog, genetık, matematık, dáriger, astronom, fızıkterge shabyt syılaıdy.
«Ǵylymdaǵy áıelder. Álemdi ózgerken 50 ǵalym-áıel» kitabynyń qazaqsha nusqasyn Gaýhar Sársekenqyzy Ál-Farabı atyndaǵy Qazaq ulttyq ýnıversıtetinde 40 jyldan astam qajyrly eńbek etken anasyna arnaıdy.
Sonymen qatar Qapparovanyń demeýimen «Alısa ǵajaıyptar áleminde» ertegisi de qazaq tilinde basylyp otyr. Kásipker balalarǵa arnalǵan osyndaı kitaptar jas urpaqtyń álemge tanymal teńdesiz týyndylaryn tól tilimizde oqyp, ózderin osy kitaptardyń keıipkerleriniń orynyna qoıyp, shabyttanyp, ushqyr qııalyn damytyp qana qoımaı, oqý-bilim izdep, arman qýyp, bıik shyńdardy baǵyndyrýǵa degen umtylysyn arttyrady dep esepteıdi.
