26 qarashada kúndiz Almatyda jurt dıssıdent, aqyn Aron Atabekti aqtyq saparǵa shyǵaryp saldy, dep habarlaıdy “Adyrna” ulttyq portaly Azattyq radıosyna silteme jasap.
Aron Atabektiń janazasy qaryndasynyń úıinde oqyldy. Aýa raıynyń qolaısyzdyǵyna qaramastan qoshtasý rásimine kóp adam jınaldy. Olardyń arasynda dıssıdenttiń áriptesteri, saıasatkerler, qoǵamǵa tanymal belsendiler boldy. Olar marqumnyń týystaryna kóńil aıtty.
Aron Atabekti Almaty mańyndaǵy Baǵanashyldaǵy zıratqa jerleıdi.
24 qarashada keshke dıssıdent, aqyn Aron Atabek aýrýhanada kóz jumǵan. "Shańyraq oqıǵasy" boıynsha sottalyp, 15 jyl túrmede otyrǵan Atabek 1 qazanda densaýlyǵyna baılanysty qamaýdan bosatylǵan.
Ol túrmeden orala sala densaýlyǵy kúrt nasharlap, tósek tartyp jatyp qalǵan. Shamamen bir aıdy aýrýhana reanımaııasynda ótkizdi.
Dıssıdent ózine taǵylǵan aıyppen kelispeı, jyldar boıy tolyq aqtaýdy talap etken. Jaqtastary "ol jazyqtan jazyqsyz túrmede 15 jyl otyrdy, bılik ony ashyq ótkir syny úshin túrmege qamady" dep sanaıdy.
Ol jýyrda túrmede shyqqannan keıin bir top belsendi men saıasatkerler Aron Atabekti qorǵaý komıtetin quryp, halyqaralyq sotqa shaǵymdanyp, Aron Atabektiń isin qaıta qaraýǵa qol jetkizýge kúsh salatynyn aıtqan.
Halyqaralyq quqyq qorǵaý uıymdary men jergilikti belsendiler onyń ólimine bılikti kinálap, túsinikteme talap etti. Halyqaralyq dárejede tergeý júrgizý qajettigin de alǵa tartty.
”Adyrna” ulttyq portaly
