26 qaraşada kündız Almatyda jūrt dissident, aqyn Aron Atabektı aqtyq saparǧa şyǧaryp saldy, dep habarlaidy “Adyrna” ūlttyq portaly Azattyq radiosyna sılteme jasap.
Aron Atabektıŋ janazasy qaryndasynyŋ üiınde oqyldy. Aua raiynyŋ qolaisyzdyǧyna qaramastan qoştasu räsımıne köp adam jinaldy. Olardyŋ arasynda dissidenttıŋ ärıptesterı, saiasatkerler, qoǧamǧa tanymal belsendıler boldy. Olar marqūmnyŋ tuystaryna köŋıl aitty.
Aron Atabektı Almaty maŋyndaǧy Baǧanaşyldaǧy ziratqa jerleidı.
24 qaraşada keşke dissident, aqyn Aron Atabek auruhanada köz jūmǧan. "Şaŋyraq oqiǧasy" boiynşa sottalyp, 15 jyl türmede otyrǧan Atabek 1 qazanda densaulyǧyna bailanysty qamaudan bosatylǧan.
Ol türmeden orala sala densaulyǧy kürt naşarlap, tösek tartyp jatyp qalǧan. Şamamen bır aidy auruhana reanimasiiasynda ötkızdı.
Dissident özıne taǧylǧan aiyppen kelıspei, jyldar boiy tolyq aqtaudy talap etken. Jaqtastary "ol jazyqtan jazyqsyz türmede 15 jyl otyrdy, bilık ony aşyq ötkır syny üşın türmege qamady" dep sanaidy.
Ol juyrda türmede şyqqannan keiın bır top belsendı men saiasatkerler Aron Atabektı qorǧau komitetın qūryp, halyqaralyq sotqa şaǧymdanyp, Aron Atabektıŋ ısın qaita qarauǧa qol jetkızuge küş salatynyn aitqan.
Halyqaralyq qūqyq qorǧau ūiymdary men jergılıktı belsendıler onyŋ ölımıne bilıktı kınälap, tüsınıkteme talap ettı. Halyqaralyq därejede tergeu jürgızu qajettıgın de alǧa tartty.
”Adyrna” ūlttyq portaly
