Işkı ıster ministrlıgı qylmystyq atqaru jüiesı komitetı töraǧasynyŋ orynbasary Meiram Aiubaev qoǧam belsendısı Aron Atabektıŋ ölımıne qatysty pıkır bıldırdı, dep habarlaidy "Adyrna" ūlttyq portaly Stan.kz saityna sılteme jasap.
Bügın senatta jurnalister ışkı ıster ministrlıgınıŋ ökılınen ne sebeptı Atabektıŋ densaulyq jaǧdaiy eskerıle otyryp, erterek bosatylmaǧanyn sūrady.
"Osy sūraqtyŋ köterılıp jatqanyna köp boldy. Aron Edıgeev (Atabek) 2006 jyly 18 jylǧa bas bostandyǧynan aiyru jazasyna kesıldı. Ol adam öltıru jäne kepılge alu qylmystary üşın sottalǧan bolatyn. 2019 jyldan bastap barlyq medisinalyq tekserısten bas tartty", - dedı komitet töraǧasynyŋ orynbasary.Onyŋ aituynşa, barlyq türmede jyl saiyn profilaktikalyq tekserıs jürgızıledı. Mekeme qyzmetkerlerı Atabektıŋ qatty aryqtap ketkenın baiqap, medisinalyq tekserısten ötuge ūsynys jasaǧan. Bıraq ol bas tartypty.
"Bız tuǧan-tuystaryn şaqyrdyq. Olar da söilestı. Qoǧamdyq baqylau komissiiasy äŋgımelestı. Bıraq Atabek kelısken joq", - dep atap öttı Aiubaev.Biyl 22 qyrküiekte Aron Atabek Pavlodar qalasynyŋ auruhanasyna jetkızılgen. Sol jerde medisinalyq tekserıs jasaldy. 1 qaraşada Pavlodar qalalyq soty ony qamau merzımın qysqartyp, bostandyqqa şyǧaruǧa şeşım qabyldady.
"Adyrna" ūlttyq portaly
Ūqsas jaŋalyqtar
