Ishki ister mınıstrligi qylmystyq atqarý júıesi komıteti tóraǵasynyń orynbasary Meıram Aıýbaev qoǵam belsendisi Aron Atabektiń ólimine qatysty pikir bildirdi, dep habarlaıdy "Adyrna" ulttyq portaly Stan.kz saıtyna silteme jasap.
Búgin senatta jýrnalıster ishki ister mınıstrliginiń ókilinen ne sebepti Atabektiń densaýlyq jaǵdaıy eskerile otyryp, erterek bosatylmaǵanyn surady.
"Osy suraqtyń kóterilip jatqanyna kóp boldy. Aron Edigeev (Atabek) 2006 jyly 18 jylǵa bas bostandyǵynan aıyrý jazasyna kesildi. Ol adam óltirý jáne kepilge alý qylmystary úshin sottalǵan bolatyn. 2019 jyldan bastap barlyq medıınalyq tekseristen bas tartty", - dedi komıtet tóraǵasynyń orynbasary.
Onyń aıtýynsha, barlyq túrmede jyl saıyn profılaktıkalyq tekseris júrgiziledi. Mekeme qyzmetkerleri Atabektiń qatty aryqtap ketkenin baıqap, medıınalyq tekseristen ótýge usynys jasaǵan. Biraq ol bas tartypty.
"Biz týǵan-týystaryn shaqyrdyq. Olar da sóılesti. Qoǵamdyq baqylaý komıssııasy áńgimelesti. Biraq Atabek kelisken joq", - dep atap ótti Aıýbaev.
Bıyl 22 qyrkúıekte Aron Atabek Pavlodar qalasynyń aýrýhanasyna jetkizilgen. Sol jerde medıınalyq tekseris jasaldy. 1 qarashada Pavlodar qalalyq soty ony qamaý merzimin qysqartyp, bostandyqqa shyǵarýǵa sheshim qabyldady.
"Adyrna" ulttyq portaly
