Aqyn, dıssıdent Aron Atabek komadan shyqty. Bul týraly qoǵam belsendisi, saıasatker Jasaral Qýanyshalın óziniń Facebook paraqshasynda habarlady.
Qoǵam belsendisi 15 mınýt buryn telefon arqyly Aronnyń qaryndasy Razııamen sóıleskenin aıtty.
– Aron oıanyp, komadan shyqty. Sóıleıdi. Biraq áli álsiz, sondyqtan jasandy dem alý apparatynan ázir aıyrǵan joq. Jáne Aron taǵy da uıyqtap qalmaýy úshin dárigerler ony jasandy komaǵa kirgizbeımiz, – degen Aronnyń qaryndasy Jasaral Qýanyshalınge.
Belsendi Aronnyń jaǵdaıynda, bul óte jaqsy jańalyq ekenin aıtyp, qýanysh uzaǵynan bolsyn degen tilegin bildirdi.
Esterińizge sala keteıik, buǵan deıin Aron Atabektiń densaýlyǵy nasharlap komaǵa túskeni, jeke klınıkada jatqany habarlanǵan bolatyn.
"Adyrna" ulttyq portaly
