Qytaıda jyldamdyǵy dybys jyldamdyǵynan bes ese joǵary bolatyn gıperdybystyq planerden zymyran ushyrdy, - dep habarlaıdy "Adyrna" tilshisi Daily Mail basylymyna silteme jasap.
Synaqtar týraly alǵash ret Financial Times habarlady. Belgili bolǵandaı, synaqtar bıyl shilde aıynda Ońtústik Qytaı teńiziniń ústinde bolǵan. Boljam boıynsha, synaq qarýynda joıý nysanasy bolmaǵan jáne synaq kezinde qarýdyń múmkindikteri tekserilgen. Ushaqtardy joıýǵa arnalǵan basqarylatyn «aýa-aýa» zymyrany bolýy múmkin planerden teńiz ústinde bólingen taǵy bir nysan baryn anyqtaǵan.
Gazettiń habarlaýynsha, AQSh Qorǵanys mınıstrligine qarasty Qorǵanys ǵylymı-zertteý jobalary agenttigi (DARPA) Qytaıdyń «fızıka zańdaryn aınalyp ótetin» qarý jasaýǵa qalaı qol jetkizgenin túsinýge tyrysýda.
Aq úı ushyrý týraly málimetterge túsinikteme berýden bas tartty jáne tek alańdaýshylyqtarynyń bar ekenin qaıtalady. AQSh-taǵy Qytaı elshiligi mundaı qarýdyń synaqtary týraly derekterdiń joqtyǵyn aıtty.
Buǵan deıin Financial Times gazeti Qytaıdyń tamyz aıynda ıadrolyq qarý alyp júrýge qabiletti gıperdybystyq zymyrandy synaqtan ótkizgenin, bul AQSh barlaýyn kútpegen jerden "ustap alǵanyn" jazǵan. Alaıda Qytaı Syrtqy ister mınıstrliginiń resmı ókili Chjao Lızıan Qytaıdyń osy jyldyń tamyz aıynda gıper dybysty zymyrandy emes, ǵarysh apparatyn synaǵanyn aıtty.
"Adyrna" ulttyq portaly
