Atalǵan oqıǵaǵa baılanysty Malaızııa ókimeti Qytaı elshisin Ońtústik Qytaı teńizindegi QHR áýe-qorǵanys kúshteriniń 16 ushaǵynyń basyp kirýine narazylyq bildirip, tikeleı ózine shaqyrdy. Malaızııa syrtqy ister mınıstri Hıshammýddın Hýseınniń aıtýynsha, Qytaı áýe-qorǵanys kúshteri Malaızııanyń áýe keńistigine basyp kirip, eldiń ulttyq qaýipsizdigine tikeleı qaýip tóndirgen.
Ótken dúısenbide Malaızııanyń Saravak shtatynyń áýe keńistiginde 850 metr bıiktikte 540 km/saǵ jyldamdyqpen ushyp ótken qytaılyq bombalaýshy ushaqtar radarǵa tústi, dep habarlady Malaızııa áýe-qorǵanys kúshteri. Qytaılyq áskerı avıaııa ushaqtary Malaızııanyń teńiz aımaǵyna ótip ketip, eldiń ulttyq áýe keńistigine qaýip tóndirgen.
"Malaızııanyń halyqaralyq dıplomatııada saıası ustanymy aıqyn. Bizdiń kez kelgen eldermen dostyq-dıplomatııalyq qarym-qatynasymyz bizdiń ulttyq qaýipsizdigimizge qaýip tóndiredi degendi bildirmeıdi. Malaızııa egemendi el retinde óziniń qadir-qasıetin, sýverenıtetin qashanda qorǵaıdy", - delingen eldiń SIM-niń habarlamasynda.
"Oqıǵa Qytaıdyń ońtústik Qytaı teńizi aýmaǵy boıynsha ustanyp otyrǵan saıası ambıııalaryna baılanysty Ońtústik-shyǵys Azııanyń basqa elderimen, sondaı-aq AQSh-pen jáne onyń odaqtastarymen qarym-qatynasyndaǵy shıelenistiń artýy aıasynda oryn aldy. Malaızııa da Qytaıdyń ońtústik aýmaǵyndaǵy yqpaldy elderdiń qataryna kiredi. Uzaq jyldar boıyna Qytaıdyń agressıvti saıası ambıııasyna qarsy shyǵyp, minezin kórsetip kele jatqan el. Al Pekın Ońtústik aımaqtardaǵy jergilikti arhıpelagtarda ornalasqan 5 eldiń sýverenıtetin moıyndamaı keledi", dep habarlady Bloomberg.
Bekbolat QARJAN,
"Adyrna" ulttyq portaly
