30 jeltoqsan künı Astanaǧa Qytai Halyq Respublikasynyŋ Qazaqstan Respublikasyndaǧy jaŋa Tötenşe jäne Ökılettı Elşısı Han Chunlin keldı. Būl turaly Qytaidyŋ Qazaqstandaǧy elşılıgı mälımdedı, dep habarlaidy “Adyrna” ūlttyq portaly.
Aqparat boiynşa, Han Chunlindı äuejaida Qazaqstannyŋ Syrtqy ıster ministrlıgınıŋ qyzmetkerlerı men Qytaidyŋ Qazaqstandaǧy diplomatiialyq missiiasynyŋ qyzmetkerlerı qarsy aldy.
Elşı öz kezegınde qazaqstandyqtarǧa rizaşylyǧyn bıldırdı. Ol sonymen qatar ekı el arasyndaǧy diplomatiialyq qarym-qatynastardyŋ ornaǧanyna 33 jyl toluyna orai ony Qytai basşysy Si Szinpin QHR-dyŋ QR daǧy 12-şı Tötenşe jäne Ökılettı Elşısı qyzmetıne taǧaiyndaǧanyn qūrmet tūtatynyn atap öttı.
«Osydan 33 jyl būryn ekı el basşylarynyŋ strategiialyq basşylyǧymen diplomatiialyq qarym-qatynas ornatqannan berı Qytai men Qazaqstan qarym-qatynasy üzdıksız serpındı damuǧa qol jetkızdı. Sondai-aq tūraqty jan-jaqty strategiialyq ärıptestık tarihyndaǧy eŋ joǧary deŋgeige köterıldı», - dedı Han Chunlin.
Sonymen bırge Elşı Qytaidyŋ qazır Şanhai yntymaqtastyq ūiymynyŋ kezektı töraǧasy ekenın, al Qazaqstan kelesı jyly ekınşı «Qytai-Ortalyq Aziia» sammitın ötkızetının tılge tiek ettı. Chunlin osyndai maŋyzdy sätte jauapty qyzmetke taǧaiyndalu oǧan ülken jauapkerşılık jükteitının aitty.
Ol ekı memleket basşylary jüktegen mındetterdı adal atqaratynyn, Qytai men Qazaqstan qarym-qatynasynyŋ «jaŋa altyn otyz jyldyǧyn» qūruǧa belsendı türde ūmtylatynyn basa aitty.
Aita keteiık, Han Chunlin 1970 jyly düniege kelgen. Ol būǧan deiın Qytai Halyq Respublikasynyŋ Rumyniiadaǧy Elşısı (2022 jyldyŋ mamyrynan 2024 jyldyŋ jeltoqsanyna deiın) qyzmetın atqarǧan.
Eske sala keteiık, 2024 jyldyŋ 2 jeltoqsanynda Memleket basşysy Qytaidyŋ Qazaqstandaǧy ökılettı elşısı Chjan Siaony qabyldady. Kezdesu barysynda Prezident Chjan Siaonyŋ qazaq-qytai dostyǧyn tabysty damytuǧa, memleketaralyq bailanystardy tereŋdetuge qosqan ülesın joǧary baǧalap, II därejelı «Dostyq» ordenımen marapattady.
Ūqsas jaŋalyqtar
