Shymkent qalasynda halyqaralyq standarttarǵa saı jedel medıınalyq járdem kórsetý stanııasynyń «Call» ortalyǵy ashyldy. Qalaǵa jumys saparymen kelgen QR Parlamenti Senatynyń depýtattary Nurlan Beknazarov pen Aıgúl Qapbarova jáne QR densaýlyq saqtaý vıe-mınıstri Ajar Ǵınııat ortalyqtyń jumysymen tanysty, dep habarlaıdy QazAqparat tilshisi.
Jańa ózgeristerge sáıkes, stanýııanyń 103 nómirine túsetin qońyraýlardyń barlyǵyn dıspetcherler jańadan ashylǵan ortalyqta qabyldaıtyn bolady. Sondaı-aq, biryńǵaı avtomattandyrylǵan júıe arqyly baqylaı alady. Búginde qońyraý qabyldaý oryndary eki esege artqan. Nátıjesinde qala turǵyndary esh kedergisiz jedel járdem nómirine habarlasyp, mamandardy shaqyrta alady. Ortalyqtaǵy qońyraýlardy basqarý úshin PRI arnasynyń úzdiksiz baılanys jelisi men spýtnıktik baqylaý júıesi (GPS) jáne mobıldi ınternet tehnologııasy qoldanylady. Biriktirilgen júıe arqyly operatorlar 10 sekýnd ishinde shaqyrtýdy brıgadaǵa baǵyttaıdy. Sondaı-aq aqparattyq júıeniń kómegimen qalanyń kartasy boıynsha mekenjaılardy izdeý, kólik baǵyttarynyń kartalaryn qadaǵalaý, kútý ýaqyty, qozǵalys jyldamdyǵy týraly málimetterdi avtomatty túrde baqylaýǵa bolady. Al, shaqyrtýda júrgen mamandardyń jumysyn baqylaý úshin 100 jedel járdem kóligindegi qyzmetkerdiń bárine jańa planshet berilgen. Aıta keteıik, qala ákimdigi men «Meıdeı Qazaqstan» túrik kompanııasy arasynda jedel járdem qyzmetin jańǵyrtý jobasy aıasynda eki jaqty memorandýmǵa qol qoıylǵan bolatyn. Kelissózder nátıjesinde birinshi kezeńde jedel járdem qyzmetine 100 jańa kólik berilgen. Ekinshi kezeńde osy joba aıasynda «Call» ortalyǵy álemdik standarttar boıynsha jańǵyrtylyp otyr.
