Reseı Túrkııa prezıdenti Rejep Taıyp Erdoǵanǵa syıǵa tartylǵan «Túrki álemi» kartasyna qatysty pikir bildirdi, dep habarlaıdy “Adyrna” ulttyq portaly.
- Bizdiń túrik áriptesterimiz túrki birligi ıdeıasyn ustanady, bul qalypty jaǵdaı. Alaıda, men ókinetin jalǵyz-aq nárse kartada túrki áleminiń ortalyǵynda úlken qyzyl juldyz joq,-dedi RF prezıdentiniń baspasóz hatshysy Dmıtrıı Peskov jýrnalıst Pavel Zarýbınge bergen suhbatynda.
Peskov sonymen qatar túrki áleminiń ortalyǵy Reseıde ekenin atap ótti.
- Ol (ortalyq) Túrkııada emes, Reseı Federaııasynyń aýmaǵynda, Altaıda, kez kelgen túrik shyqqan sol kıeli mekende. Muny men túrkitanýshy retinde aıtyp otyrmyn, - dep málimdedi Peskov.
“Adyrna” ulttyq portaly